Notar ólöglega ofskynjunarsveppi gegn þjáningu Samúel Karl Ólason og Frosti Logason skrifa 22. september 2020 21:24 Pétur Kristján Guðmundsson segir ofskynjunarlyf hafa hjálpað sér að sjá líf sitt í nýju ljósi eftir lömunina. Pétur Kristján Guðmundsson, kvikmyndagerðarmaður, var mikill útivistargarpur sem hafði stundaði snjóbretti og fjallgöngur af krafti þegar hann lamaðist í slysi í Austurríki fyrir liðlega tíu árum síðan. Læknar sögðu honum að hann mundi aldrei geta staðið upp aftur en Pétur neitaði að gefast upp og var staðráðinn í því að ganga á ný. Hann vakti mikla athygli fyrir baráttu sína og þrautseigju og veitti jafnvel öðru fólki von sem glímdi við sömu erfiðleika og hann. En Pétur átti síðar eftir að átta sig á að á þessum tíma var hann ekki að meðtaka hversu alvarlegt ástand hans var, hann var í raun í fullkominni afneitun. „Þetta er svo suddalegt, þegar þú slítur í sundur á þér miðtaugakerfið að margir fara bara í afneitun. Þeir taka ekki til greina að þeir muni aldrei ganga aftur. Ég var einn af þeim,“ segir Pétur í Íslandi í dag í kvöld. Hann segir það ekki hafa skipt máli hvað læknarnir sögðu. Hann ætlaði sér að ganga í nýjan leik. Hægt og rólega áttaði hann sig þó á því að hann myndi ekki sigrast á þessu. Pétur segir að þegar raunveruleikinn hafi loksins runnið upp fyrir honum hafi það reynst honum miklu meira áfall heldur en slysið sjálft. Að átta sig á því að hann væri aldrei að fara ganga aftur hafi verið óendanlega erfið tilfinning sem keyrði hann lengst niður í djúpt þunglyndi sem hann sá um tíma ekki fyrir endann á. En akkúrat um það leyti sem Pétur náði sínum botni fór hann að lesa sér til um svokölluð ofskynjunarlyf á borð við sílósíbín, DMT og ayawaska. Hann og vinir hans hafi byrjað að prófa slík lyf en þau eru ólögleg. Þau hafi veitt honum glugga í eigin undirmeðvitund. Það hafi verið gríðarlega erfitt stundum en einnig frelsandi. Pétur segir að þessi reynsla hans hafi sett af stað ferli sem leiddi á endanum til þess að hann fór að sjá líf sitt í nýju ljósi og þá fór sú staðreynd að hann væri lamaður fyrir neðan mitti að skipta hann minna máli í stóra samhenginu. Hann segir spurningar varðandi raunveruleikann og tilgang vakni oft við mikla þjáningu. „Þá byrjar þú á þessari leið og þetta setti það virkilega af stað hjá mér,“ segir Pétur. Hann segir lyfjanotkunina hafa víkkað út það sem væri raunverulegt fyrir honum. Stýrir öðrum Fyrir þremur árum síðan tók Pétur svo upp á því að flytja í sumarbústað á afskekktum stað út á landi þar sem hann dvaldi í einn vetur í mikilli einangrun. Þar gerði hann ýmsar tilraunir með þessi efni og fór svo að fá heimsóknir frá fólki sem hann prófaði að leiða í gegnum þessa reynslu sem hann hafði upplifað sjálfur. Pétur segist hafa orðið var við mikla hugarfarsbreytingu í samfélaginu gagnvart þessum efnum, fyrst um sinn hafi hann mætt miklum fordómum og þekkingarleysi en nú sé fólk á öllum aldri og úr öllum stigum þjóðfélagsins farin að sækjast í þessa meðferð hjá honum. „Alls staðar í samfélaginu er gríðarlega mikið af fólki sem þjáist rosalega mikið. Þetta getur hugsanlega verið svar við allskonar þjáningu,“ segir Pétur. Varðandi það hvort þetta sé hættulegt segir Pétur: „Þetta er hættulegt eins og bíll er hættulegur. Ef þú kannt að keyra hann, þá er hann ekkert sérstaklega hættulegur en ef ekki, þá er hann stórhættulegur.“ Pétur segist sannfærður um að það að þessi lyf séu ólögleg fari að breytast. Það hafi þegar breyst víða í Bandaríkjunum. „Við á Íslandi erum náttúrulega svo eftir á. Við erum ekki einu sinni búin að leyfa gras ennþá. Þrátt fyrir að það ætti að vera löngu komið,“ segir Pétur. „Þetta er enn ólöglegt og þess vegna neyðumst við til að vera undir yfirborðinu með þetta.“ Hann segist ekki hafa komist í kast við lögin. Það sem hann geri valdi engum skaða í samfélaginu. Mikil þróun Pétur segir gríðarlega mikla þróun hafa orðið í rannsóknum vísindasamfélagsins á ofskynjunarlyfjum síðastliðin 15 ár. Í því samhengi bendir hann á tilraunir virtra háskóla sem hafa sýnt fram á mjög jákvæðar niðurstöður í meðhöndlun á fíknivanda, áfallastreituröskun, þunglyndi, Alzheimer og lystarstoli svo nokkur dæmi séu nefnd. Allt bendi þetta til þess að notkun þessara efna gæti aukist í framtíðinni ef lagaumhverfi í kringum þennan málaflokk yrði komið í viðeigandi farveg að sögn Péturs. Ný kynslóð fólks sé að stíga á svið sem sé tilbúinn til að gera breytingar. Ísland í dag Mest lesið Walking Dead-leikkona látin Lífið Stjörnulífið: „Þessi ætlar að ríða þessa Verslunarmannahelgina“ Lífið Húsgögn úr afgöngum og fiskar í gosbrunninum Lífið Tók sterkan kjúklingabita í stað þess að styggja Íslendinga Lífið Kveður föður sinn með tilvitnun í Hunter S. Thompson Lífið Ástralskur hommasirkus skemmtir börnum og fullorðnum í Tjarnarbíói Lífið Egill, Valgeir og Sigurður Bjóla saman á sviði í fyrsta sinn síðan 1976 Lífið samstarf Brjánn hefur göngu sína í haust: „Erum við að falla úr efstu deild í Norður-Kóreu?“ Lífið Rekur sögu sósunnar sem allir elska: „Pítusósan fæddist í Asparfellinu“ Lífið „Mig langar ekki lengur að deyja“ Lífið Fleiri fréttir Ástralskur hommasirkus skemmtir börnum og fullorðnum í Tjarnarbíói Húsgögn úr afgöngum og fiskar í gosbrunninum Stjörnulífið: „Þessi ætlar að ríða þessa Verslunarmannahelgina“ Kveður föður sinn með tilvitnun í Hunter S. Thompson Walking Dead-leikkona látin Tók sterkan kjúklingabita í stað þess að styggja Íslendinga Gekk hringinn í kringum landið fyrir vannærð börn í Afríku Marín Manda og Hannes Frímann trúlofuð Terry Reid látinn Rekur sögu sósunnar sem allir elska: „Pítusósan fæddist í Asparfellinu“ Brjánn hefur göngu sína í haust: „Erum við að falla úr efstu deild í Norður-Kóreu?“ Samsæri tóbaksframleiðenda í reykfylltum bakherbergjum „Mig langar ekki lengur að deyja“ Loni Anderson er látin „Ég mun lifa á þessum degi út ævina“ Calvin Harris orðinn faðir Rod Stewart sýnir Ozzy taka sjálfur í himnaríki Myndaveisla: Ærandi pollagallastemming í Eyjum Skoðanabræður hætta göngu sinni: „Takk fyrir okkur“ Menningarperlan aftur komin í sitt gamla horf Hvetur fólk til að taka sjálfu með „þessu glæsiklofi“ Hermína sem missti folald og móðurlaus Tígull fundu hvort annað „Stundum finnst mér hún vera farin þó hún sé enn á lífi“ Krakkatían: Litla hafmeyjan, Pollapönk og lundar Myndasyrpa úr Eyjum: „Út með kassann og áfram gakk“ Fann ástina á Balí en nýtur hennar í Kóreu „Þarna fylltist hjartað af hamingju“ Fréttatía vikunnar: Verslunarmannahelgin, forsetaheimsókn og mannasaur Robert Wilson er látinn Gary Busey játar kynferðisbrot Sjá meira
Pétur Kristján Guðmundsson, kvikmyndagerðarmaður, var mikill útivistargarpur sem hafði stundaði snjóbretti og fjallgöngur af krafti þegar hann lamaðist í slysi í Austurríki fyrir liðlega tíu árum síðan. Læknar sögðu honum að hann mundi aldrei geta staðið upp aftur en Pétur neitaði að gefast upp og var staðráðinn í því að ganga á ný. Hann vakti mikla athygli fyrir baráttu sína og þrautseigju og veitti jafnvel öðru fólki von sem glímdi við sömu erfiðleika og hann. En Pétur átti síðar eftir að átta sig á að á þessum tíma var hann ekki að meðtaka hversu alvarlegt ástand hans var, hann var í raun í fullkominni afneitun. „Þetta er svo suddalegt, þegar þú slítur í sundur á þér miðtaugakerfið að margir fara bara í afneitun. Þeir taka ekki til greina að þeir muni aldrei ganga aftur. Ég var einn af þeim,“ segir Pétur í Íslandi í dag í kvöld. Hann segir það ekki hafa skipt máli hvað læknarnir sögðu. Hann ætlaði sér að ganga í nýjan leik. Hægt og rólega áttaði hann sig þó á því að hann myndi ekki sigrast á þessu. Pétur segir að þegar raunveruleikinn hafi loksins runnið upp fyrir honum hafi það reynst honum miklu meira áfall heldur en slysið sjálft. Að átta sig á því að hann væri aldrei að fara ganga aftur hafi verið óendanlega erfið tilfinning sem keyrði hann lengst niður í djúpt þunglyndi sem hann sá um tíma ekki fyrir endann á. En akkúrat um það leyti sem Pétur náði sínum botni fór hann að lesa sér til um svokölluð ofskynjunarlyf á borð við sílósíbín, DMT og ayawaska. Hann og vinir hans hafi byrjað að prófa slík lyf en þau eru ólögleg. Þau hafi veitt honum glugga í eigin undirmeðvitund. Það hafi verið gríðarlega erfitt stundum en einnig frelsandi. Pétur segir að þessi reynsla hans hafi sett af stað ferli sem leiddi á endanum til þess að hann fór að sjá líf sitt í nýju ljósi og þá fór sú staðreynd að hann væri lamaður fyrir neðan mitti að skipta hann minna máli í stóra samhenginu. Hann segir spurningar varðandi raunveruleikann og tilgang vakni oft við mikla þjáningu. „Þá byrjar þú á þessari leið og þetta setti það virkilega af stað hjá mér,“ segir Pétur. Hann segir lyfjanotkunina hafa víkkað út það sem væri raunverulegt fyrir honum. Stýrir öðrum Fyrir þremur árum síðan tók Pétur svo upp á því að flytja í sumarbústað á afskekktum stað út á landi þar sem hann dvaldi í einn vetur í mikilli einangrun. Þar gerði hann ýmsar tilraunir með þessi efni og fór svo að fá heimsóknir frá fólki sem hann prófaði að leiða í gegnum þessa reynslu sem hann hafði upplifað sjálfur. Pétur segist hafa orðið var við mikla hugarfarsbreytingu í samfélaginu gagnvart þessum efnum, fyrst um sinn hafi hann mætt miklum fordómum og þekkingarleysi en nú sé fólk á öllum aldri og úr öllum stigum þjóðfélagsins farin að sækjast í þessa meðferð hjá honum. „Alls staðar í samfélaginu er gríðarlega mikið af fólki sem þjáist rosalega mikið. Þetta getur hugsanlega verið svar við allskonar þjáningu,“ segir Pétur. Varðandi það hvort þetta sé hættulegt segir Pétur: „Þetta er hættulegt eins og bíll er hættulegur. Ef þú kannt að keyra hann, þá er hann ekkert sérstaklega hættulegur en ef ekki, þá er hann stórhættulegur.“ Pétur segist sannfærður um að það að þessi lyf séu ólögleg fari að breytast. Það hafi þegar breyst víða í Bandaríkjunum. „Við á Íslandi erum náttúrulega svo eftir á. Við erum ekki einu sinni búin að leyfa gras ennþá. Þrátt fyrir að það ætti að vera löngu komið,“ segir Pétur. „Þetta er enn ólöglegt og þess vegna neyðumst við til að vera undir yfirborðinu með þetta.“ Hann segist ekki hafa komist í kast við lögin. Það sem hann geri valdi engum skaða í samfélaginu. Mikil þróun Pétur segir gríðarlega mikla þróun hafa orðið í rannsóknum vísindasamfélagsins á ofskynjunarlyfjum síðastliðin 15 ár. Í því samhengi bendir hann á tilraunir virtra háskóla sem hafa sýnt fram á mjög jákvæðar niðurstöður í meðhöndlun á fíknivanda, áfallastreituröskun, þunglyndi, Alzheimer og lystarstoli svo nokkur dæmi séu nefnd. Allt bendi þetta til þess að notkun þessara efna gæti aukist í framtíðinni ef lagaumhverfi í kringum þennan málaflokk yrði komið í viðeigandi farveg að sögn Péturs. Ný kynslóð fólks sé að stíga á svið sem sé tilbúinn til að gera breytingar.
Ísland í dag Mest lesið Walking Dead-leikkona látin Lífið Stjörnulífið: „Þessi ætlar að ríða þessa Verslunarmannahelgina“ Lífið Húsgögn úr afgöngum og fiskar í gosbrunninum Lífið Tók sterkan kjúklingabita í stað þess að styggja Íslendinga Lífið Kveður föður sinn með tilvitnun í Hunter S. Thompson Lífið Ástralskur hommasirkus skemmtir börnum og fullorðnum í Tjarnarbíói Lífið Egill, Valgeir og Sigurður Bjóla saman á sviði í fyrsta sinn síðan 1976 Lífið samstarf Brjánn hefur göngu sína í haust: „Erum við að falla úr efstu deild í Norður-Kóreu?“ Lífið Rekur sögu sósunnar sem allir elska: „Pítusósan fæddist í Asparfellinu“ Lífið „Mig langar ekki lengur að deyja“ Lífið Fleiri fréttir Ástralskur hommasirkus skemmtir börnum og fullorðnum í Tjarnarbíói Húsgögn úr afgöngum og fiskar í gosbrunninum Stjörnulífið: „Þessi ætlar að ríða þessa Verslunarmannahelgina“ Kveður föður sinn með tilvitnun í Hunter S. Thompson Walking Dead-leikkona látin Tók sterkan kjúklingabita í stað þess að styggja Íslendinga Gekk hringinn í kringum landið fyrir vannærð börn í Afríku Marín Manda og Hannes Frímann trúlofuð Terry Reid látinn Rekur sögu sósunnar sem allir elska: „Pítusósan fæddist í Asparfellinu“ Brjánn hefur göngu sína í haust: „Erum við að falla úr efstu deild í Norður-Kóreu?“ Samsæri tóbaksframleiðenda í reykfylltum bakherbergjum „Mig langar ekki lengur að deyja“ Loni Anderson er látin „Ég mun lifa á þessum degi út ævina“ Calvin Harris orðinn faðir Rod Stewart sýnir Ozzy taka sjálfur í himnaríki Myndaveisla: Ærandi pollagallastemming í Eyjum Skoðanabræður hætta göngu sinni: „Takk fyrir okkur“ Menningarperlan aftur komin í sitt gamla horf Hvetur fólk til að taka sjálfu með „þessu glæsiklofi“ Hermína sem missti folald og móðurlaus Tígull fundu hvort annað „Stundum finnst mér hún vera farin þó hún sé enn á lífi“ Krakkatían: Litla hafmeyjan, Pollapönk og lundar Myndasyrpa úr Eyjum: „Út með kassann og áfram gakk“ Fann ástina á Balí en nýtur hennar í Kóreu „Þarna fylltist hjartað af hamingju“ Fréttatía vikunnar: Verslunarmannahelgin, forsetaheimsókn og mannasaur Robert Wilson er látinn Gary Busey játar kynferðisbrot Sjá meira