Úrslitaviðureignin í Falsk Off: Frikki Dór og Stefanía Svavars með „einstakan“ dúett

Í útvarpsþætti Völu Eiríks á FM957 hófst á dögunum nýr dagskrárliður sem nefnist Falsk Off.

Þar fær hún tvo góða tónlistarmenn sem keppa í því að reyna að vera eins falskir og þeir geta.

Fyrstu keppendur voru þær Elísabet Ormslev og Stefanía Svavarsdóttir. Stefanía vann þá viðureign. 

Því næst mættust bræðurnir Jón Jónsson og Friðrik Dór Jónsson og fór Friðrik áfram úr þeirri viðureign.

Nú var því komið að úrslitaviðureigninni og í henni mætast Frikki Dór og Stefanía Svavars. Þau sungu lagið Shallow sem Lady Gaga og Bradley Cooper gerðu ódauðlegt eftir útgáfu kvikmyndarinnar A Star Is Born. Lagið vann til að mynda Óskarinn.

Nokkuð „fallegur“ dúett sem heyra má hér að neðan.

Hver var falskari?