Eldur kom upp í tæki hjá Matfugli

Tilkynning barst um eld í húsakynnum kjúklingabúsins Matfugls í Mosfellsbæ rétt fyrir klukkan í morgun. Samkvæmt upplýsingum frá slökkviliðinu gekk greiðlega að slökkva eldinn og er vinnu lokið á vettvangi.

Stutt er síðan eldur kom upp í loftræstingarröri hjá Matfugli en náðu slökkviliðsmenn að drepa þann eld í fæðingu. Að sögn slökkviliðsins náðist að afstýra miklu tjóni í það skiptið.

Sveinn Jónsson, framkvæmdastjóri Matfugls, segir atvikin ekki tengjast með neinum hætti. Eldurinn í morgun hafi komið upp í öðru tæki og lögreglan rannsaki nú upptök eldsins.

„Þetta er eiginlega undarlegra en hitt,“ sagði Sveinn í samtali við Vísi í morgun, enda hafði tækið ekki verið í gangi í fimmtán klukkustundir. Því sé um að ræða tvö óhappatilvik á skömmum tíma og vonar hann að þau verði ekki fleiri í bili.