Vonar að Ísland komist af „gráa listanum“

Alþjóðleg­ur starfs­hóp­ur sem vinn­ur gegn pen­ingaþvætti og fjár­mögn­un hryðju­verka, FATF-hópurinn svokallaði, mun koma saman á föstudag og funda um hvort Ísland kom­ist af hinum svo­kallaða „gráa lista“ sem landið lenti á síðastliðið haust.

Ísland lenti á listanum þar sem stjórnvöld voru ekki talin geta sýnt fram á að varnir gegn peningaþvætti hér á landi væru í samræmi við kröf­ur hóps­ins.

Áslaug Arna Sig­ur­björns­dótt­ir dóms­málaráðherra segir í samtali við ViðskiptaMoggann í dag að fulltrúar hópsins hafi gert vettvangsathugunn hér á landi í september síðastliðnum og vonast hún til þess að Ísland losni af listanum í kjölfar fundarins á föstudag.