Lífið

Egill Ploder og Svala Björgvins gefa út jólalag

Stefán Árni Pálsson skrifar
Fyrsta jólalagið sem útvarpsmaðurinn Egill Ploder gefur út.
Fyrsta jólalagið sem útvarpsmaðurinn Egill Ploder gefur út.

„Jólalagakeppni Brennslunnar var eitthvað sem var ákveðið að fara í seint í ágúst. Reglurnar voru þær að við máttum hafa samband við einn pródúsent og fá annan listamann til þess að vera með okkur á laginu. Einhvern veginn endaði það þannig að ég stóð einn eftir með tilbúið lag en hitt náðist ekki fyrir tíma,“ segir Egill Ploder sem hefur því gefið út jólalag með Svölu Björgvinsdóttur og ber lagið heitið Undir mistilteini. Hann vann lagið ásamt Svölu og Inga Bauer.

„Ég var alltaf að fara að hafa samband við Inga þar sem við höfum unnið saman að nokkrum lögum í gegnum tíðina og ég tel hann einn af okkar allra bestu pródusentum. Svo einhvern veginn þröngvaði ég þessu að Svölu þegar hún mætti í viðtal í Brennslunni. Hún var sem betur fer mega til. Svala hefur beisíklí komið með jólin til landsmanna síðan hún söng Ég hlakka svo til þegar hún var þriggja ára. Punkturinn yfir i-ið er svo Bjössi Sax og hans hæfileikar á Saxafóninn. Hann er eiginlega bara fáránlega góður á þetta hljóðfæri. Þetta var skemmtilegt ferli og gaman fyrir mig að fá að vinna með þessu fólki. Ég viðurkenni það að ég hefði verið rosalega til í að heyra lagið Fullur um jólin sem átti að vera titilinn á laginu hans Rikka. Það kemur vonandi síðar.“

Hér að neðan má hlusta á lagið sjálft. 

Jól Brennslan


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.