Innlent

Bóluefninu er ekki dælt í æð heldur vöðva

Jakob Bjarnar skrifar
Björn Ingi Hrafnsson hefur setið margan upplýsingafundinn og fylgst vel með gangi mála. Kári hefur sömuleiðis verið í stóru hlutverki á árinu enda Íslensk erfðagreining, hvar hann er forstjóri, séð um greiningar á þúsunda sýna.
Björn Ingi Hrafnsson hefur setið margan upplýsingafundinn og fylgst vel með gangi mála. Kári hefur sömuleiðis verið í stóru hlutverki á árinu enda Íslensk erfðagreining, hvar hann er forstjóri, séð um greiningar á þúsunda sýna.

Kári Stefánsson sá sig knúinn til að skamma Björn Inga Hrafnsson fyrir rugl í tengslum við bólusetningar.

Kári Stefánsson forstjóri Íslenskrar erfðagreiningar hringdi í dag sérstaklega í Björn Inga Hrafnsson Viljanum til að leiðrétta rangfærslur í Facebook-færslu hans. Sem kemur á óvart því Björn Ingi telst nú, eftir þaulsetur á upplýsingafundum almannavarna og bókarskrif um fyrirbærið, einn helsti sérfræðingur landsins um kórónuveiruna.

En hann virðist vera harla fávís um bólusetningar. Björn Ingi greinir frá þessu sjálfur á Facebook-vegg sínum. Sími hans hringdi og á línunni var Kári:

„Björn Ingi, ég las statusinn þinn. Það er ekki rétt að bóluefninu sé dælt í æð. Því er dælt inn í vöðvann.“

Björn Ingi greinir frá því að Kári ætli að horfa fram hjá þessari yfirsjón sinni og aukinheldur ætlar Kári, ásamt Þórólfi Guðnasyni sóttvarnarlækni, að halda áfram því starfi sínu að ýta eftir því að Íslendingar fái bóluefni sem dugi.

Heilsugæsla Faraldur kórónuveiru (COVID-19) Bólusetningar

Mest lesið


Fleiri fréttir

Sjá meira


×

Mest lesið