Svitnaði og svitnaði þegar hann borðaði 32 Big Mac hamborgara

Joey Chestnut er YouTube-stjarna sem er þekktust fyrir það að borða mikið og reglulega tekur hann þátt í slíkum mótum og er talinn einn sá færasti í heiminum í þeim bransa.

Á dögunum ákvað hann að reyna að borða 32 Bic Mac hamborgara frá McDonald’s og gekk það nokkuð vel.

32 hamborgarar frá skyndibitastaðnum eru alls um sjö kíló að þyngd og einnig um 18 þúsund hitaeiningar.

Chestnut kláraði verkefnið á 38 mínútum og 15 sekúndum og svitnaði hann gríðarlega þegar hann tókst á við verkefnið eins og sjá má hér að neðan.