Dagskráin í dag: KR og Fylkir mætast í CS, Freyr og Hjörvar í Sportinu í kvöld, sígildir fótboltaleikir og karfa

Sindri Sverrisson skrifar 29. apríl 2020 06:00

Sportið í dag og Sportið í kvöld verða á sínum stað í dag. vísir/vilhelm

Beinum útsendingu frá íþróttaviðburðum hefur snarfækkað vegna útbreiðslu kórónuveirunnar eins og gefur að skilja. Til að mæta því hafa Stöð 2 Sport og hliðarrásir verið dagskrársettar með nýju dagskrárefni og endursýningum af safnefni til að stytta íþróttaþyrstum stundirnar.

Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.

Sportið í kvöld er á dagskrá Stöðvar 2 Sports á þriðjudags-, miðvikudags- og fimmtudagskvöldum klukkan 20.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.

Fjölmiðlamaðurinn Hjörvar Hafliðason og Freyr Alexandersson, aðstoðarlandsliðsþjálfari, verða gestir í Sportinu í kvöld og fara yfir stöðu mála í knattspyrnuheiminum. Á meðal annars efnis á Stöð 2 Sport í dag má nefna sígilda leiki úr enska bikarnum, þætti um spænsku 1. deildina, og fótbolta úr ýmsum öðrum áttum.

Stöð 2 Sport 2

Pílumót Stöðvar 2 Sports verður endursýnt á Stöð 2 Sport 2 í morgunsárið. Á stöðinni verða einnig úrslitaleikir enska deildabikarsins árin 2016, þegar Liverpool og Manchester City mættust, og 2017 þegar Manchester United og Southtampton mættust, auk úrslitaleikja úr Evrópudeildinni og fleira efnis.

Stöð 2 Sport 3

Úrslitakeppnirnar í Domino‘s-deildunum verða í aðalhlutverki á Stöð 2 Sport 3. Meðal annars verður þar oddaleikur KR og Grindavíkur úr úrslitum karla árið 2017 og þriðji leikur Vals og Keflavíkur í úrslitum kvenna í fyrra.

Stöð 2 eSport

KR White og Fylkir mætast í beinni útsendingu kl. 19.45 í Counter-Strike, í 6. umferð Vodafone-deildarinnar, á Stöð 2 eSport. Stöðin sýnir einnig gamla leiki úr deildinni og leiki frá La Liga mótinu í FIFA 20, í dag.