Lýstu upp Perluna til heiðurs heilbrigðisstarfsfólki

Höfuðborgarbúar voru hvattir til að líta upp á miðnætti í gærkvöldi,  þegar risakastarar vörpuðu þakklætissúlum fyrir heilbrigðisstarfsmenn til himins. 

Brynja Dan Gunnarsdóttir og Axel Ingi Ólafsson stóðu að sýningunni og nutu aðstoðar Luxor og Gunnars Gunnarssonar hjá Perlunni.

Herlegheitin má sjá í myndbandinu hér að neðan en Ragnar Th. Sigurðsson tók myndir af þakklætissúlunum sem lýstu upp Perluna.

Ljósin sköpuðu meðal annars eins konar geislabaug yfir Perlunni og var markmiðið að þakka starfsfólki Landspítalans og öllu heilbrigðisstarfsfólki fyrir ómælda erfiðisvinnu undanfarna mánuði.