Innlent

Einn greindist með kórónu­veiruna innan­lands í gær

Kristín Ólafsdóttir skrifar
Sýnataka vegna Covid 19 hjá Heilsugæslunni á Höfuðborgarsvæðinu.
Sýnataka vegna Covid 19 hjá Heilsugæslunni á Höfuðborgarsvæðinu. Vísir/vilhelm

Einn greindist með kórónuveiruna innanlands í gær og var sá í sóttkví. Þrír greindust á landamærum í gær en ekki liggur fyrir hvort um virk smit var að ræða. Þetta staðfestir Víðir Reynisson yfirlögregluþjónn í samtali við fréttastofu.

Enginn greindist með veiruna innanlands í fyrradag en þá greindust fimm á landamærum. Samkvæmt tölum gærdagsins voru þá 89 í einangrun hér á landi með virkt smit covid-19 en tölur verða næst uppfærðar á covid.is eftir helgi.

Alls hafa nú 5.982 greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 29 dauðsföll verið rakin til Covid-19 á Íslandi frá upphafi faraldursins.

Fréttin hefur verið uppfærð.

Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið