Hlynur lét drauminn rætast og gerir það gott á Kýpur

Hann starfar við sölu fasteigna hjá fyrirtækinu Elite door properties.

„Ég sem alþjóðlegur sölufulltrúi hef viðskiptavini og fjárfesta alls staðar að í heiminum sem ég aðstoða og leitast eftir bestu tækifærum hverju sinni með okkar alþjóðlegu skrám fasteigna og verkefna sem ná frá allt frá Austurlöndum til allrar Ameríku.“

Hlynur segir að það kosti lítið sem ekkert að búa þarna úti.

„Hérna á Norður-Kýpur má segja að hér sé einna ódýrast að lifa í öllu Miðjarðarhafinu allavega og með sambærilegan lífsstandard ef við berum okkur saman við til dæmis Spánn, Tenerife, Grikkland, Ítalíu og fleiri lönd á þessum slóðum. Ég get nefnd sem dæmi eins og að fjárfesta í fasteign hérna er um helmingi ódýrara en í nærliggjandi löndum og markaðurinn er að rísa upp á við. Matur og afþreying er virkilega ódýrt sem dæmi þá er ein stök máltíð frá um 500 krónum með gosi á veitingastað og ef þú ferð til dæmis fínt út að borða á hágæða veitingastað tveir saman og færð þér þriggja rétta máltíð með flösku af víni mun það vera um 3000 til 5000 krónur,“ segir Hlynur sem verður fertugur í maí.

Hann segir að skattar séu lágir á Kýpur og leiguhúsnæðið ódýrt.

„Ef þú vilt til dæmis leigja í langtímaleigu tveggja herbergja íbúð á góðum stað þá er það um 250-300 pund á mánuði eða um 50 þúsund íslenskar krónur.“

Hlynur segir að Norður-Kýpur sé talið eitt öruggasta svæðið í heiminum.

„Þar er varla nokkur glæpatíðni. Heilsugæsla og sjúkrahús og öll sú þjónusta eru hágæða og hér eru einnig virkilega góðir háskólar svo eitthvað sé nefnt. Heimamenn eru virkilega vinalegir og hjálpsamir og mjög afslappað umhverfi og þjóðfélag, svo auðvitað það besta það er sólskin mestmegnis af árinu hérna og fullt af tækifærum bæði sem nýr áfangastaður til ferðalaga og fjárfestingarmöguleikar.“

Hann segist búa á austurströnd eyjunnar.

„Ég bý svæði sem kallast Long beach í bæjarfélagi sem heitir Iskele og er það einmitt svæðið sem Forbes tók sérstaklega fram sem besta stað til að fjárfesta í ef þú vilt búa eða fjárfesta með ströndina og Miðjarðarhafið þér sem næst. Eins og nafnið gefur til kynna, Long beach, þá eru hér æðislegar hvítar strendur, tær sjór og frábærar aðstæður og afþreying sem eru kjörin til bæði ferðalaga eða til fjárfestinga því svæðið er i mikilli uppbyggingu,“ segir Hlynur og bætir við að það sé sól og sumar 320 daga á ári.