Réðst á konu og var svo mættur fyrir utan hús hennar skömmu síðar

Í dagbók lögreglu segir að maðurinn hafi verið handtekinn skömmu síðar og vistaður í fangageymslu fyrir rannsókn máls. Upphaflega var tilkynnt um líkamsárásina upp úr klukkan 17:30.

Upp úr klukkan 20 var tilkynnt um þjófnað út verslun í hverfi 110. Þar hafði ölvuð eldri kona reynt að yfirgefa verslunina með kerru fulla af vörum sem hún hafði ekki greitt fyrir. Lögregla hafði afskipti af konunni og var skýrsla rituð um málið.

Þá segir einnig frá því að tilkynnt hafi verið um bíl í hverfi 109 skömmu fyrir klukkan 1 í nótt. Eigandinn hafði þar verið að gera við bílinn þegar eldur kviknaði í vélarrými. Eigandinn var búinn að slökkva með handslökkvitæki er lögregla kom á vettvang og voru ekki miklar skemmdir sjáanlegar.