Hádegisfréttir í beinni útsendingu

Í dag fara tugir barna á leikskólanum Jörfa í seinni sýnatöku vegna hópsýkingar sem þar hefur geisað. Af þeim sjötíu sem greinst hafa í umræddri hópsýkingu er um helmingur börn.

Heildarfjárhæð sekta vegna brota á sóttvarnalögum frá því kórónuveirufaraldurinn hófst hér á landi nemur tæpum sex milljónum króna. Tæp 70% grunaðra eru karlmenn.

Við ræðum líka við Ólaf Ragnar Grímsson um tækifæri Íslendinga í að binda kolefni í bergi og segjum frá helstu fregnum af erlendum vettvangi. Álag á indverska heilbrigðiskerfið er langt yfir þolmörkum vegna annarrar bylgju faraldursins. Þetta og margt fleira í hádegisfréttum Bylgjunnar.