Enginn greindist innanlands í gær

Þetta kemur fram í uppfærðum tölum á síðunni Covid.is.

48 eru nú í einangrun, en voru 50 í gær. 157 eru nú í sóttkví, en voru 137 í gær. 1.043 eru nú í skimunarsóttkví. Þá eru þrír nú á sjúkrahúsi vegna Covid-19, líkt og í gær.

Eitt smit greindist á landamærunum í gær og niðurstöðu mótefnamælingar hjá viðkomandi beðið.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 10,4, en var 11,7 í gær. Nýgengi á smiti á landamærum er nú 2,7 líkt og í gær.

80.464 eru nú fullbólusettir hér á landi og er bólusetning hafin hjá 83.351 til viðbótar.

6.556 hafa nú greinst með kórónuveiruna hér á landi frá upphafi faraldursins í febrúar á síðasta ári. Af þeim sem greinst hafa með COVID-19 á Íslandi eru 29 látin.

Alls voru tekin 1.068 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 635 sýni tekin á landamærunum eða í seinni landamæraskimun og 286 í svokallaðri sóttkvíar- og handahófsskimun.

Fréttin hefur verið uppfærð.