Svona raðast árgangarnir í bólusetningu næstu þrjár vikur

Konur fæddar árið 1985 voru síðastar upp úr pottinum þegar dregið var í röðina í bólusetningum á höfuðborgarsvæðinu næstu þrjár vikurnar. Gangi plön heilsugæslunnar eftir verða þær búnar að fá bóluefnasprautu í síðasta lagi föstudaginn 25. júní.

Spennan var mikil meðal lesenda Vísis ef marka má áhorf á beina útsendingu frá drættinum. Ragnheiður Ósk Erlendsdóttir, framkvæmdastjóri hjúkrunar hjá Heilsugæslu höfuðborgarsvæðisins, stýrði drættinum sem fyrr.

Allir forgangshópar hafa nú fengið boð í bólusetningu og því komið að restinni, ef svo má segja. Fólk í árgöngum 1976 til 2005 sem til stendur að sprauta með bóluefni Pfizer, Moderna eða Janssen á næstu þremur vikum.

Ragnheiður sagði markmiðið að gefa fólki fyrirsjáanleika á því hvenær það ætti von á boði. Fólk fær strikamerki í SMS-skilaboðum. Komist það ekki á boðaðan dag á fólkið að mæta næst þegar sama bóluefni verður notað. Fólk geti hins vegar ekki valið sér bóluefni.

Bóluefni AstraZeneca er nú aðeins notað í seinni sprautu svo hóparnir að neðan eiga von á bóluefni Pfizer, Moderna eða Janssen.

Að neðan má sjá hvernig árgangarnir og kynin skiptast næstu þrjár vikurnar. Fyrstu árgangarnir mega eiga von á því að fá boð fyrri hluta viku en þeir síðustu síðar í viðkomandi viku.

Vikan 7.-11. júní

• 1979 karlar
• 1984 konur
• 1993 karlar
• 1978 konur
• 1992 karlar
• 1998 konur
• 1983 karlar
• 1986 konur
• 1984 karlar
• 2000 konur
• 2003 karlar
• 1981 konur
• 1977 karlar
• 1980 konur
• 1997 karlar
• 2004 konur
• 1985 karlar
• 1988 konur

Vikan 14.- 18. júní

• 1976 karlar
• 1977 konur
• 2000 karlar
• 2001 konur
• 1988 karlar
• 2002 konur
• 1986 karlar
• 1993 konur
• 1994 karlar
• 1976 konur
• 2002 karlar
• 1979 konur
• 1981 karlar
• 1997 konur
• 2001 karlar
• 2003 konur
• 1996 karlar
• 1992 konur

Vikan 21.-25. júní

• 1982 karlar
• 1989 konur
• 1991 karlar
• 1987 konur
• 1989 karlar
• 1994 konur
• 1980 karlar
• 1990 konur
• 1998 karlar
• 1995 konur
• 2004 karlar
• 1999 konur
• 1995 karlar
• 1991 konur
• 1990 karlar
• 1985 konur

• 2005 karlar og konur