Mikill erill vegna slagsmála á djamminu

Tilkynnt var um bakpoka, sem var í óskilamunum á skemmtistað í miðbænum í nótt. Það er í sjálfu sér ekki í frásögur færandi nema að hnífar og fíkniefnaleifar fundust í bakpokanum, sem var haldlagður af lögreglu. 

Þá var tilkynnt um mann með hamar í miðbænum en lögregla lagði hald á hann. Tlkynnt var um nokur eignaspjöll í miðbænum og fjórir voru stöðvaðir af lögreglu við akstur, grunaðir um akstur undir áhrifum áfengis eða fíkniefna. Voru þeir allir sendir í blóðsýnatöku. 

Tilkynnt var um ölvaðan mann sem var til vandræða í Hafnarfirði en honum var vísað á brott af lögreglu. Tveir voru stöðvaðir grunaðir um akstur undir áhrifum fíkniefna og án ökuréttinda. Þeim var sleppt lausum að blóðsýnatöku lokinni. 

Þá var lögregla kölluð til í Breiðholti vegna ölvaðs manns sem hafði slasað sig. Einn var stöðvaður af lögreglu grunaður um akstur undir áhrifum fikniefna. Hann var látinn laus að sýnatöku lokinni. Annar var stöðvaður grunaður um akstur undir áhrifum áfengis og fíkniefna, án ökuréttinda, vörslu fíkniefna og brot á vopnalögum. Hann var látinn laus að blóðsýnatöku lokinni.