Erilsamur sólarhringur hjá björgunarsveitum

Upp úr klukkan átta í morgun barst tilkynning frá manni sem var í vandræðum við Snæfell. Mikil þoka er á svæðinu sem olli því að maðurinn villtist.

Verkefnastjóri hjá Landsbjörgu segir að björgunarsveitir hafi staðsett manninn og ættu að vera komnar að honum innan klukkutíma. Ekki er talið að maðurinn sé í hættu.

Fyrr í morgun og í gærkvöldi bárust tvær aðskyldar tilkynningar um göngufólk í sjálfheldu. Í öðru tilvikinu var um tvö göngumenn sem villtust í Þakgili að ræða. Björgunarsveitir leystu bæði málin farsællega. 

Þá barst tilkynning um mótorhjólaslys á Kjalvegi. Þyrla Landhelgisgæslunnar sótti slasaðan mótorhjólamanninn og kom honum undir læknishendur.