62 greindust með veiruna innan­lands í gær

Þetta kemur fram í uppfærðum tölum á vefnum covid.is.

Alls eru 956 nú í einangrun, en voru 1.019 í gær. 1.831 eru nú í sóttkví, en voru 2.015 í gær. 970 eru nú í skimunarsóttkví.

Þá er 21 nú á sjúkrahúsi vegna Covid-19, en voru 22 í gær. Sjö eru á gjörgæslu, sami fjöldi og í gær.

Ellefu greindist á landamærum í gær – þrír með virkt smit í fyrri landamæraskimun auk þess að niðurstöðu mótefnamælingar beðið í tilvikum átta.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 343,3, en var 355,1 í gær. Nýgengi á smiti á landamærum er nú 6,0, en var 5,5 í gær.

262.584 eru nú fullbólusettir hér á landi, eða 84 prósent landsmanna tólf ára og eldri.

Alls hafa 10.177 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa þrjátíu dauðsföll verið rakin til Covid-19 á Íslandi frá upphafi faraldursins.

Tekin voru 1.298 einkennasýni í gær, 1.554 sýni á landsmærum og 730 sóttkvíar- og handahófssýni.

Fréttin hefur verið uppfærð.