Þungavigtin: Jói Kalli á Tene níu dögum fyrir bikarúrslitaleik

Óskar Ófeigur Jónsson skrifar 7. október 2021 13:31

Rikki G fer yfir fótboltalandslagið ásamt þeim Mikael Nikulássyni og Kristjáni Óla Sigurðssyni í hlaðvarpsþættinum Þungavigtinni. Þungavigtin

Jóhannesi Karli Guðjónssyni tókst að bjarga Skagamönnum frá falli úr Pepsi Max deild karla og koma liðinu í bikarúrslitaleik í fyrsta sinn í átján ár. Það er stutt í bikarúrslitaleikinn en Þungavigtin segir að þjálfari ÍA sé ekki á landinu þótt að það sé stutt í leikinn.

Hlaðvarpsþátturinn Þungavigtin ræddi frí þjálfara Skagamanna sem er ekki á Íslandi þessa dagana.

„Ég er með gárunga út um allan heim eins og þið vitið. Mínir menn sáu þjálfara Skagamanna sóla sig á Tenerife í gær. Það er verið að hlaða batteríin fyrir bikarúrslitaleikinn,“ sagði Mikael Nikulásson í Þungavigtinni.

„Er Jóhannes Karl í fríi á Tenerife,“ spurði Ríkharð Óskar Guðnason.

„Hann er þar og annar af starfsmönnum knattspyrnudeildar ÍA er líka í fríi. Það greinilega nóg til eftir að Ísak var seldur. Þeir ætla að vera klárir í bikarleikinn. Jói mætir heltanaður á hliðarlínuna á Laugardalsvelli eftir níu daga,“ sagði Mikael.

„Er ekki pása núna, er ekki landsleikjahlé og er eitthvað að þessu,“ spurði Rikki G. á móti.

„Ég get lofað þér því að Víkingar eru að æfa og Skagamenn eru að æfa líka en bara undir aðstoðarþjálfara og með fjóra menn í 21 árs liðs verkefni. Þetta er ákvörðun sem formaðurinn stendur og fellur með. Mér finnst þetta skrítið og hefði bara viljað frestað ferðinni,“ sagði Mikael.

„Auðvitað er það hægt. Hann var ekki að fara til tunglsins sem hann pantaði fyrir sjö árum. Hann var bara að fara tl Tenerife. Það er Evrópa undir,“ sagði Mikael. ÍA mætir Víkingi í bikarúrslitaleiknum á Laugardalsvellinum 16. október næstkomandi eða eftir níu daga.

Hér fyrir neðan má sjá spjallið um þjálfara Skagamanna.

Klippa: Þungavigtin: Þjálfari Skagamanna í fríi á Tenerife tíu dögum fyrir bikarúrslitaleik

Ef þú vilt hlusta á allan þáttinn ferðu núna inn á tal.is/vigtin og tryggir þér áskrift.

Besta deild karla Mjólkurbikar karla ÍA Þungavigtin

Tengdar fréttir

Þungavigtin: Matthías sagði sína skoðun á stjórnlausa svartholinu Tyler Sabin

Bandaríkjamaðurinn Tyler Sabin fór á kostum með KR-ingum í körfuboltanum á síðustu leiktíð en það voru ekki allir liðsfélagarnir nógu ánægðir með hann. Matthías Orri Sigurðsson sagði sína skoðun á Sabin þegar hann mætti í hlaðvarpsþáttinn Þungavigtina.

7. október 2021 11:31

Þungavigtin: „Vanda frétti af valinu og fjandinn var laus“

Í nýjasta þætti Þungavigtarinnar fara þeir Kristján Óli Sigurðsson, Mikael Nikulásson og Ríkharð Óskar Guðnason yfir málefni Knattspyrnusambands Íslands. Fullyrt er að KSÍ hafi ráðið almannatengla til að fara yfir hvað landsliðsþjálfarinn ætti að segja á blaðamannafundi og að nýr formaður KSÍ hafi haft áhrif á landsliðsvalið.

4. október 2021 07:00

Þungavigtin um mál Hannesar Þórs: „Veit að leikmenn Vals eru mjög ósáttir við þessa meðferð“

„Mál málanna á þessum markaði í dag, þessum leikmannamarkaði, er náttúrulega besti markmaður fyrr og síðar – Hannes Þór Halldórsson – er í stríði við Valsmenn,“ segir Mikael Nikulásson í nýjasta þætti Þungavigtarinnar.

3. október 2021 23:00

Þungavigtin er nýjasti hlaðvarpsþátturinn á íþróttamarkaðnum

Fyrsti dagur októbermánaðar er tímamótadagur fyrir nýjan hlaðvarpsþátt sem mun fjalla fyrst og fremst um knattspyrnu og öllu henni tengdri bæði hér á landi sem og erlendis.

1. október 2021 09:19

Mest lesið

Fleiri fréttir