Símtöl með ásökunum um stolið rafmagn ekki frá Orkuveitunni

Í tilkynningu frá Orkuveitu Reykjavíkur kemur fram að símtölin hafi verið til umræðu á samfélagsmiðlum en fólk hafi einnig sett sig í samband við fyrirtækið til þess að spyrjast fyrir um þau.

„Tilgangurinn virðist vera sá einn að gera at í fólki því ekki er beðið um persónuupplýsingar, kortanúmer eða slíkt,“ segir í tilkynningunni en símtöl berast úr símanúmeri sem byrjar á tölustöfunum 877.

Áréttar Orkuveitan að símtölin séu ekki á vegum hennar eða dótturfyrirtækja.