Alls verða fimm tónleikar í tónleikaröðinni Bylgjan órafmögnuð auk tveggja einstakra aukatónleika sem nánar verður fjallað um síðar.
Í næstu viku koma fram Ellen Kristjáns og Eyþór Gunnars ásamt börnum. Þar á eftir koma söngkonurnar Stefanía Svavars og Elísabet Ormslev fram. Tónleikaröðinni verður svo lokað með jólaþætti 9. desember þar sem fram koma Sverrir Bergmann, Sigga Beinteins og leynigestur.
Nú þegar hafa KK, Páll Óskar og Krummi haldið tónleika og má horfa á þá HÉR á Vísi.
Tónleikarnir eru teknir upp á Barion Bryggjan og eru sannkallað gull í eyru og augnakonfekt. Hreimur stígur á svið klukkan 20 og verður þá hægt að horfa á tónleikana í spilaranum hér fyrir neðan.
