Gonzalez var skotinn í Barracas, úthverfi Búenos Aíres, á miðvikudaginn. Hann var í bíl með þremur liðsfélögum sínum í Barracas Central.
Lögreglumaður elti Gonzalez og félaga hans eftir að þeir stoppuðu í búð. Að hans sögn hegðuðu strákarnir sér grunsamlega. Lögreglumaðurinn skaut að strákunum og eitt skotanna hæfði Gonzalez í höfuðið. Hann lést af sárum sínum í gær.
Mucho Dolor!!!! #justiciaporlucas pic.twitter.com/8b32j6COgq
— Barracas Central (@barracascentral) November 18, 2021
Yfirvöld í Barracas eru með málið til rannsóknar og þrír lögreglumenn hafa verið sendir í leyfi.
Fjölmargir hafa vottað fjölskyldu Gonzalez samúð sína, þar á meðal forseti Argentínu, Alberto Fernandez.
„Við nýtum alla okkar krafta til leita sannleikans og réttlætis. Það er ekki í boði að lögreglumenn sem eiga að vernda borgarana drepi þá,“ sagði Fernandez.