Með húmorinn að vopni við mót­mæli gegn bólu­setningum barna

Mót­mælin fóru ef­laust ekki fram hjá neinum sem átti leið um mið­bæinn á milli klukkan 16 og 17 í dag en ó­venju­margir sóttu mót­mælin í saman­burði við fyrri mót­mæli þeirra sem efast um gildi bólu­setninga.

Eins og fjallað var um í kvöld­fréttum Stöðvar 2 í gær þá aug­lýsti hópurinn mót­mælin undir heitinu Friðar­ganga, hernaðar­and­stæðingum til lítillar á­nægju en þeir hafa haldið ár­lega friðar­göngu á Þor­láks­messu frá árinu 1980. Sér­stak­lega sveið þessi nafna­stuldur vegna þess að hernaðar­and­stæðingar hafa af­lýst göngu sinni í ár af til­liti til sótt­varna­tak­markana.

Í sam­tali við frétta­stofu í gær þver­tóku skipu­leggj­endur mót­mælanna fyrir að nafnið væri fengið frá friðar­göngu hernaðar­and­stæðinga. En sama hvort mót­mælendur hafi haft hina fjöru­tíu ára gömlu jóla­hefð hernaðar­and­stæðinga í huga við nafn­giftina eða ekki verður ó­um­deilt að titillinn er góður á mót­mæli.

Og slag­orð mót­mælanda sem sjá mátti á skiltum þeirra voru einnig mörg nokkuð frum­leg og jafn­vel fyndin, sama hvað hverjum kann að finnast um boð­skapinn sjálfan.

Þar mátti sjá bregða fyrir hinu klassíska stíl­bragði, rími, hjá einum sem gekk framar­lega í hópnum niður Lauga­veginn: „Hve­nær verður far­aldur far­aldur, Haraldur?“ og má þar ætla að spurningunni sé beint að fyrrverandi sóttvarnalækni Haraldi Briem.

Og annar virtist ó­sáttur með gjöfina sem hann hafði fengið í skóinn hjá Hurða­skelli í nótt, kannski skiljan­lega en á hans skilti stóð:

„Hvað fékkstu í skóinn? Ég fékk 2ja metra mál­band“.