Á þessu tímabili seljast flestar bækur á Íslandi fyrir utan allra síðustu dagana fyrir jól.
„Nú fara í hönd einhverjir skemmtilegustu dagarnir hjá bóksölum,“ segir Bryndís Loftsdóttir hjá Fíbút en hún gerþekkir bóksölu, starfaði lengi sem verslunarstjóri hjá Eymundsson áður en hún gekk til liðs við bókaútgefendur.
„Salan breytist svolítið þessa allra síðustu daga þegar kaupendur bæta við einni bók fyrir sjálfan sig – svona til öryggis. Þetta eru oftast kiljur, skáldverk og ljóð sem lesendur vilja ekki vera án, á jólanótt. Í þessum kaupum sneiða lesendur svolítið fram hjá metsölubókunum enda líklegast að þær lúri undir tré nú þegar.“
Máni í skýjunum með góðan árangur
Þannig að þó listinn sem nú birtist sé mikilvægur og sýni skýrt hvernig landið liggur þá gæti enn dregið til tíðinda. Spurt er hvað sé það sem helst kemur á óvart. Þegar síðasti listi var birtur var vakin athygli á góðu gengi bílabókar Arnar Sigurðssonar sem gefur ekkert eftir og situr í 12. sæti.
„Já, óvæntast er Guðni, Bílamenningin og Fjárfestingar,“ segir Bryndís almennt um bóksöluvertíðina. En vert sé að líta til stærstu stökka á lokametrunum.
„Tveir titlar sem komu seint til landsins vegna pappírsskorts eða eitthvað; Fagurt galaði fuglinn sá, fuglabók eftir Helga Jónsson og Önnu Margréti Marinósdóttur en Jón Baldur Hlíðberg myndskreytir. Hún fer beint í 4. sæti aðallistans og svo bókin Þú þarft ekki að vera svona mikill aumingi eftir Þorkel Mána Pétursson,“ segir Bryndís. En sú bók hefur tekið stökk og er í 19. sæti aðallista bóksölunnar fyrir þetta tímabil.
Fagurt galaði fuglinn sá, sem Sögur gefa út, nýtur mikilla vinsælda. 1. prentun seldist upp og kom hún aftur í búðir á fimmtudaginn. Máni er nýgræðingur á þessu sviði, með sína fyrstu bók og Vísir heyrði stuttlega í honum. Máni var afar ánægður með þessi tíðindi, í skýjunum reyndar.
„Ég var ánægður þegar ég var búinn að selja meira en besti rithöfundur í heimi, Gyrðir Elíasson. En ég verð að segja að þetta kemur mér skemmtilega á óvart. Ég held að þessi bók eigi erindi við alla karlmenn,“ segir Máni sem þegar er farinn að leggja drög að næstu bók. Hann hins vegar veigrar sér við því að titla sig rithöfund, ekki alveg strax. „En þetta er sögulegt ár í bókaútgáfu. Sjaldan eða aldrei hafa verið gefnir út eins margir titlar.“
Arnaldur fastur fyrir
Sé litið almennt á bóksölulistana má segja að Arnaldur Indriðason, konungur bóksölulista undanfarinnar ára, megi vel við una þó Yrsa Sigurðardóttir sæki að honum. Hún er efst á lista fyrir þetta tiltekna tímabil en Arnaldur er efstur á árslistanum. En þar er Yrsa í öðru sæti og ekki verður ljóst fyrr en í byrjun næsta árs, hvort þeirra hefur betur þegar upp er staðið. Arnaldur tók áhættu þegar hann sendi frá sér sögulega skáldsögu en lesendur eru trúir sínu skáldi.
Hann heldur enn stöðu sinni sem mest seldi höfundur ársins en Yrsa sækir fast á hann, bók hennar, Lok, lok og læs nú aðra vikuna í röð mest selda bókin. Það verður í raun ekki ljóst fyrr en í byrjun næsta árs, hvort þeirra hefur betur.
Spennusögur halda sinni hlutdeild og eru áfram áberandi ofarlega á metsölulistum, Yrsa, Ragnar, Stefán Máni, Lilja og Eva Björg eru þar áberandi en um 20 nýjar íslenskar spennusögur litu dagsins ljós á árinu svo samkeppnin er hörð.
Það var hún líka í flokki íslenskra skáldverka og virðist sala þeirra hafa dreifst mjög mikið á milli titla. Söluhæstur er auðvitað Arnaldur, þá Hallgrímur og svo Auður Jóns. Næst á eftir þeim úr flokki nýrra íslenskra skáldverka koma Fríða Ísberg, Þórarinn Eldjárn, Einar Kárson, Bragi Páll, Bergsveinn Birgisson, Einar Már, Anna Hafþórsdóttir og Kamilla Einarsdóttir.
Bókaútgefendur brattir
Salan dreifist mikið á allan þann fjölda titla sem komu út og sömuleiðis á milli forlaga. Forlagið á þó 9 af 20 mest seldu titlunum svo þeir hljóta að teljast einhvers konar sigurvegarar en þeir gefa líka mest út.
„Salan er líka að dreifast meira í barnabókunum. Þar höfum við á liðnum árum séð söluna borna uppi af 2-3 höfundum en þeir hafa í ár heldur gefið eftir þó salan sé áþekki í heildina,“ segir Bryndís.
Salan í nóvember í fyrra var ótrúlega mikil og mjög á skjön við allt sem bókaútgefendur höfðu áður upplifað.
En hefur ekki orðið vart við samdrátt í bóksölu?
„Þegar leið á desember dróst hún hins vegar verulega saman þannig að jólin í fyrra urðu ekki alveg sú sprengja sem þau litu út fyrir að verða. Kaupendur voru bara óvenju forsjálir. Þannig sáum við um 30% samdrátt í nóvember í ár miðað við nóvember í fyrra. Hins vegar hefur salan í desember verið mun betri en í fyrra þannig að eftir sölu síðustu helgar erum við á pari við 1. nóv – 20 des í fyrra. Miðað við þungann í sölunni núna held ég að búast megi við einhverri aukningu,“ segir Bryndís sem lætur engan bilbug á sér sjá.
Mest seldu bækurnar 14. des - 20. des 2021
1. Lok, lok og læs - Yrsa Sigurðardóttir
2. Sigurverkið - Arnaldur Indriðason
3. Úti - Ragnar Jónasson
4. Fagurt galaði fuglinn sá - Helgi Jónsson, Anna M. Marinósdóttir og Jón B. Hlíðberg
5. Sextíu kíló af kjaftshöggum - Hallgrímur Helgason
6. Orri óstöðvandi - Kapphaupið um silfur Egils - Bjarni Fritzson
7. Útkall : Í auga fellibylsins - Óttar Sveinsson
8. Guðni á ferð og flugi - Guðjón Ragnar Jónasson
9. Lára bakar - Birgitta Haukdal
10. Rætur : Á æskuslóðum minninga og mótunar - Ólafur Ragnar Grímsson
11. Salka: Tölvuheimurinn - Bjarni Fritzson
12. Bílamenning : Akstursgleði liðinnar aldar í máli og myndum - Örn Sigurðsson
13. Alexander Daníel Hermann Dawidsson : Bannað að eyðileggja - Gunnar Helgason
14. Horfnar - Stefán Máni
15. Þín eigin ráðgáta - Ævar Þór Benediktsson
16. Læknirinn í englaverksmiðjunn - Ásdís Halla Bragadóttir
17. Fjárfestingar - Aníta Rut Hilmarsdóttir, Kristín Hildur Ragnarsdóttir og Rósa Kristinsdóttir
18. Lára lærir á hljóðfæri - Birgitta Haukdal
19. Þú þarft ekki að vera svona mikill aumingi - Þorkell Máni Pétursson
20. Allir fuglar fljúga í ljósið - Auður Jónsdóttir
Mest seldu barna- og ungmennabækurnar
1. Fagurt galaði fuglinn sá - Helgi Jónsson, Anna M. Marinósdóttir og Jón B. Hlíðberg
2. Orri óstöðvandi - Kapphaupið um silfur Egils - Bjarni Fritzson
3. Lára bakar - Birgitta Haukdal
4. Salka: Tölvuheimurinn - Bjarni Fritzson
5. Alexander Daníel Hermann Dawidsson : Bannað að eyðileggja - Gunnar Helgason
6. Þín eigin ráðgáta - Ævar Þór Benediktsson
7. Lára lærir á hljóðfæri - Birgitta Haukdal
8. Verum ástfangin af lífinu - Þorgrímur Þráinsson
9. Jólasyrpa 2021 - Walt Disney
10. Verstu foreldrar í heimi - David Walliams
Mest seldu skáldverkin
1. Lok, lok og læs - Yrsa Sigurðardóttir
2. Sigurverkið - Arnaldur Indriðason
3. Úti - Ragnar Jónasson
4. Sextíu kíló af kjaftshöggum - Hallgrímur Helgason
5. Horfnar - Stefán Máni
6. Allir fuglar fljúga í ljósið - Auður Jónsdóttir
7. Náhvít jörð - Lilja Sigurðardóttir
8. Merking - Fríða Ísberg
9. Þú sérð mig ekki - Eva Björg Ægisdóttir
10. Umfjöllun - Þórarinn Eldjárn
Mest seldu fræði- og handbækurnar
1. Útkall : Í auga fellibylsins - Óttar Sveinsson
2. Guðni á ferð og flugi - Guðjón Ragnar Jónasson
3. Bílamenning : Akstursgleði liðinnar aldar í máli og myndum - Örn Sigurðsson
4. Fjárfestingar - Aníta Rut Hilmarsdóttir, Kristín Hildur Ragnarsdóttir og Rósa Kristinsdóttir
5. Þú þarft ekki að vera svona mikill aumingi - Þorkell Máni Pétursson
6. Bakað með Evu Laufey - Eva Laufey Kjaran Hermannsdóttir
7. Heima hjá lækninum í eldhúsinu - Ragnar Freyr Ingvarsson
8. Bærinn brennur - Þórunn Jarla Valdimarsdóttir
9. Heimabarinn - kokteilabók - Andri Davíð Pétursson og Ivan Svanur Corvasce
10. Prjón er snilld - Sjöfn Kristjánsdóttir
Mest seldu ævisögurnar
1. Rætur : Á æskuslóðum minninga og mótunar - Ólafur Ragnar Grímsson
2. Læknirinn í englaverksmiðjunn - Ásdís Halla Bragadóttir
3. Gunni Þórðar : Lífssaga - Ómar Valdimarsson
4. 11.000 volt : Þroskasaga Guðmundar Felix - Erla Hlynsdóttir
5. Ilmreyr : Móðurminning - Ólína Kjerúlf Þorvarðardóttir
6. Markús : Á flótta í 40 ár : Öðruvísi Íslandssaga - Jón Hjaltason
7. Oddgeir Kristjánsson – Þeir hreinu tónar - Kristín Ástgeirsdóttir
8. Sigurður Þórarinsson - mynd af manni I-II - Sigrún Helgadóttir
9. Úr heljargreipum : saga Baldurs Freys - Baldur Freyr Einarsson
10. Hákarla-Jörundur : ævisaga Jörundar Jónssonar hákarlaformanns og útvegsbónda í Hrísey - Friðrik G. Olgeirsson
Mest seldu bækur ársins: 1. janúar - 20. desember 2021
1. Sigurverkið - Arnaldur Indriðason
2. Lok, lok og læs - Yrsa Sigurðardóttir
3. Úti - Ragnar Jónasson
4. Lára bakar - Birgitta Haukdal
5. Sextíu kíló af kjaftshöggum - Hallgrímur Helgason
6. Orri óstöðvandi - Kapphaupið um silfur Egils - Bjarni Fritzson
7. Útkall : Í auga fellibylsins - Óttar Sveinsson
8. Alexander Daníel Hermann Dawidsson : Bannað að eyðileggja - Gunnar Helgason
9. Lára lærir á hljóðfæri - Birgitta Haukdal
10. Þín eigin ráðgáta - Ævar Þór Benediktsson
11. Guðni á ferð og flugi - Guðjón Ragnar Jónasson
12. Rætur : Á æskuslóðum minninga og mótunar - Ólafur Ragnar Grímsson
13. Fjárfestingar - Aníta Rut Hilmarsdóttir, Kristín Hildur Ragnarsdóttir og Rósa Kristinsdóttir
14. Læknirinn í englaverksmiðjunn - Ásdís Halla Bragadóttir
15. Bílamenning : Akstursgleði liðinnar aldar í máli og myndum - Örn Sigurðsson
16. Palli Playstation - Gunnar Helgason
17. Litlir lærdómshestar - Stafir - Elisabeth Golding
18. Horfnar - Stefán Máni
19. Fagurt galaði fuglinn sá - Helgi Jónsson, Anna M. Marinósdóttir og Jón B. Hlíðberg
20. Verstu foreldrar í heimi - David Walliams
