Innlent

Tólf lentu í þriggja bíla árekstri á Snæfellsnesvegi

Hallgerður Kolbrún E. Jónsdóttir skrifar
Alvarleiki meiðsla fólksins liggur ekki fyrir en einn var fluttur á bráðamóttökuna í Fossvogi en aðrir á sjúkrahúsið á Akranesi til aðhlynningar. 
Alvarleiki meiðsla fólksins liggur ekki fyrir en einn var fluttur á bráðamóttökuna í Fossvogi en aðrir á sjúkrahúsið á Akranesi til aðhlynningar.  Vísir/Vilhelm

Þriggja bíla árekstur varð rétt eftir hádegi í dag á Snæfellsnesvegi þar sem tólf voru í bílunum, bæði börn og fullorðnir. Einn var fluttur með sjúkrabíl á bráðamóttökuna í Fossvogi.

Lögregla, tækjabifreið frá slökkviliði og sjúkralið var kallað á vettvang slyssins en beita þurfti klippum til að ná einum út úr bifreið hans. 

Upplýsingar um alvarleika meiðsla liggja ekki fyrir en einn var fluttur með sjúkrabíl á bráðamóttökuna í Fossvogi en aðrir á sjúkrahúsið á Akranesi til aðhlynningar. 

Samkvæmt tilkynningu frá lögreglu voru ökutækin þrjú ekki ökuhæf eftir slysið og þau flutt af vettvangi með kranabílum. Rannsóknardeild lögreglunnar á Vesturlandi ásamt Rannsóknarnefnd samgönguslysa fór á vettvang.

Samgönguslys

Mest lesið


Fleiri fréttir

Sjá meira


×

Mest lesið