Pressa á stráknum: Sonur Ronaldo fær samning og sjöuna hjá Man. United

Ronaldo yngri hefur verið að spila í akademíu Manchester United í vetur og stóð sig það vel að nú er þessi ellefu ára strákur kominn með samning.

Cristiano yngri var ekki sá eini sem skrifaði undir samning því það gerði einnig undrabarnið Gabriel.

Það var reyndar Gabriel sem opinberaði samning með þvi að birta mynd af sér og Cristiano yngri með treyjur sínar. Gabriel fékk tíuna en Ronaldo var í sjöunni eins og pabbi.

Það er náttúrulega mikil virðingarvottur að fá sjöuna hjá Manchester United enda treyjan sem George Best, Bryan Robson, Eric Cantona, David Beckham og svo pabbi hana hafa spilað í.

Cristiano yngri hefur greinilega mikla hæfileika og ef hann er jafn duglegur að æfa og pabbi sinn þá ætti framtíð hans að vera mjög björt.