Sport

Létu eina opinbera hommann í NFL-deildinni fara

Óskar Ófeigur Jónsson skrifar
Carl Nassib í leik með Las Vegas Raiders liðinu á síðustu leiktíð.
Carl Nassib í leik með Las Vegas Raiders liðinu á síðustu leiktíð. AP/Rick Scuteri

Carl Nassib var eini leikmaður NFL-deildarinnar sem hafði komið út úr skápnum sem samkynhneigður en nú er hann ekki lengur með vinnu í deildinni.

Las Vegas Raiders ákvað að segja uppi samningi sínum við Nassib en hann átti eftir eitt ár af samningi sínum.

Nassib lék sinn fyrsta leik í deildinni árið 2016 en þá fyrir Cleveland Browns. Hann hefur einnig spilað fyrir Tampa Bay Buccaneers.

Nassib kom út í skápnum í september 2021 og var þá fyrsti opinberi samkynhneigði maðurinn í sögu í NFL-deildarinnar.

Nassib fékk mjög góð viðbrögð eftir að hann steig fram. Hann þótti sýna hugrekki í deild sem er þekktari fyrir karlrembu og hörku frekari en nokkuð annað.

Raiders sparar sér um átta milljónir dollara undir launaþakinu með því að láta hann fara.

Nassib skrifaði undir þriggja ára samning í mars 2020 og átti að fá 25 milljónir dollara fyrir þann tíma.

Nassib spilaði þrettán leiki á síðustu leiktíð og endaði með 21 tæklingu 1,5 leikstjórnendafellur og þvingaði einn tapaðan bolta.

NFL

Mest lesið


Fleiri fréttir

Sjá meira


×

Mest lesið