Leitin var haldin við Gufunesbæ í Grafarvogi, í Elliðarárdal og við Grímsstaðavör á Ægissíðu.
Í tilkynningu frá Sjálfstæðisflokknum segir að börn og unglingar hafi leitað skreyttra hænueggja sem höfðu verið falin. Fyrir hvert egg sem þau fundu fengu þau svo lítið súkkulaðiegg í staðinn.
„Flestir fundu fleiri en eitt egg og var framkoma þátttakenda til fyrirmyndar þrátt fyrir harða keppni. Á meðan börnin gengu til eggja ræddi fullorðna fólkið saman um landsins gagn og nauðsynjar yfir kaffibolla,“ segir í áðurnefndri tilkynningu.
