Mánudagsplaylisti Írisar Rós

Hún hefur sungið og samið tónlist undir nafninu Roza og HAF, hún hefur líka samið lög og útsett fyrir erlent tónlistarfólk, kóra og hljómsveitir, eins og til dæmis norsku hljómsveitina SOFA og ítalska kórinn LiberaCantoriniPisani. Um þessar mundir er Íris að vinna að melódískri jazzplötu sem hún stefnir á að gefa út í byrjun næsta árs.

„Ég hlusta á og sem fjölbreytta tónlist. Þessa dagana er ég að ganga í gegnum erfitt tímabil í lífi mínu þannig að tónlistin sem ég er að hlusta á núna einkennist af því. Það er einmitt það sem er svo dásamlegt við tónlistina, hún fylgir okkur þar sem við erum tilfinningalega stödd hverju sinni” segir Íris.

Íris sér um mánudagsplaylistann að þessu sinni og er hann ansi þéttur og skemmtilegur. Ekki hika við að skella á play og hækka í botn.