Fín veiði við Hraun í Ölfusi

Eitt af þeim er Hraun í Ölfusi en það er veiðisvæðið við Ölfusárbrúnna. Það er bæði veitt af austur og vesturbakkanum og meira að segja hafa margir gert góða veiði fyrir neðan brú. Það er best að koma á fjörunni og veiða í aðfallinu, þá kemur sjóbirtingurinn inn. Það er líka hægt að setja í lax og stöku bleikju á góðum degi.

Það gefur langbest að veiða á flugu með sökkenda og eitt af því sem þarf að hafa í huga er að vaða alls ekki út í því fiskurinn getur tekið alveg upp við harða land. Vinsælar flugur hafa verið Bizmo og Sunray en eins hafa Snælda og stór Rauð Frances túpa oft gefið vel. Beitan getur líka virkað en þeir sem eru komnir á lagið með að kasta flugu segja að það sé bara mun veiðnari aðferð.

Veiðin stendur yfir frá því að aðfallið byrjar og liggjanda er náð. Lítið veiðist þegar það fellur frá. Þetta er upplagt svæði fyrir fjölskyldur því það þarf ekki að kasta langt til að eiga von á góðum birting og fyrir yngstu veiðimennina er best að nota spún, kasta aðeins upp í strauminn og láta leka alveg upp við land.