Enn pattstaða hjá Ronaldo og Manchester United

Fundarhöld Cristiano Ronaldo og teymisins í kringum hann og forráðamönnum Manchester United skilaði engri niðurstöðu að sögn Skysports.  

Ronaldo vill enn fara frá Manchester United og félagið vill ekki að hann yfirgefi herbúðir félagsins fyrir fullt og allt. 

Ronaldo hefur hins vegar hafið æfingar með Manchester United en hann fór ekki með liðinu til Taílands og Ástralíu í æfinga- og keppnisferð liðsins þangað. Portúgalski framherjinn var á meðan í heimalandi sínu af fjölskylduástæðum. 

Það sem flækir stöðuna enn frekar að svo virðist sem félög sem Ronaldo hefur áhuga á að ganga til liðs við, það er leika í Meistaradeild Evrópu, eru í stærstu deildum og Evrópu og geta barist um þá titla sem í boði eru í heimalandi sínu bíða ekki í röðum eftir því að tryggja sér þjónustu framherjans. 

Svo virðist sem það gangi ekki nægilega vel hjá Jorge Mendes, umboðsmanni Ronaldos, að finna félag sem uppfyllir fyrrnefnd skilyrði og er reiðubúið að fara í þann pakka að kaupa þenna 37 ára gamla leikmann út úr samningi sínum hjá Manchester United og taka við launapakkanum hans.   

Chelsea og Napoli virðast ekki vera raunhæfur kostur og stjórnarmenn hjá Bayern München og Atlético Madrid hafa lýst því yfir opinberlega að þeir muni ekki semja við Ronaldo í sumar. 

Manchester United leikur tvo æfingaleiki um komandi helgi en liðið mætir Atlético Madrid á Ulleval í Osló á laugardaginn og svo Rayo Valleceona á Old Trafford á sunnudaginn. 

Fróðlegt verður að sjá hvort Ronaldo verði í leikmannahópnum í öðrum hvorum leiknum.