Sprengja fannst í mið­borg Stokk­hólms í gær

Þúsundir voru saman komin í miðborg Stokkhólms í gær á menningarhátíð borgarinnar. Um klukkan tíu í gærköldi fannst bakpoki í almenningsgarðinum Kungsträdsgården og garðinum í kjölfarið lokað af lögreglu. Beina þurfti gagnandi vegfarendum og bílaumferð frá garðinum á meðan sprengjusveit var að störfum. 

Samkvæmt frétt sænska ríkisútvarpsins varð strax ljóst að innihald pokans væri varhugavert og sprengjusveit því strax kölluð til. Nú hefur lögreglan staðfest að sprengja fannst í honum. 

„Sprengjan er nú í rannsókn þar sem úrskurðað verður hvort hún hafi verið virk,“ sagði Erik Åkerlund upplýsingafulltrúi lögreglunnar í Norrmalm á blaðamannafundi í dag. 

Menningarhátíð Stokkhólms fór eins og áður sagði fram um helgina víða um borgina en stöðva þurfti hátíðarhöldin í Kungsträdgården eftir að bakpokinn hófst. Hátíðarhöld héldu þó áfram á Gustav Adolfs torgi og á Skeppsbron. 

Aflýsa þurfti viðburðum á Karl XII torgi þar sem torgið var innan þess svæðis sem loka þurfti af vegna sprengjufundarins. 

Frumrannsókn er þegar hafin en enginn hefur verið handtekinn í tengslum við málið.