Á­reitti fólk við Smára­torg og grunaður um líkams­á­rás

Í dagbók lögreglu segir að tilkynningin hafi borist rétt rúmlega klukkan 19 og var maðurinn vistaður í fangageymslu sökum ástands síns.

Einnig segir að upp úr klukkan 23 hafi annar maður í annarlegu ástandi verið handtekinn í miðborg Reykjavíkur. Þar var ítrekað búið að tilkynna manninn þar sem hann hafi verið búinn að valda ónæði. Hann var einnig vistaður í fangageymslu sökum ástands síns.

Um klukkan 17:30 var tilkynnt um reiðhjólaslys í Kópavogi, en þar hafði maður fallið af hjóli og var hann blóðugur í andliti, með skrámur á höndum skurð á höfði og líklega nefbrotinn. „Maðurinn talaði ekki íslensku og var áfengislykt af manninum. Sjúkrabifreið á vettvangi en maðurinn vildi enga aðstoð og gekk burt,“ segir í tilkynningunni frá lögreglu.

Upp úr klukkan hálf tvö í nótt var svo tilkynnt um innbrot í sjálfsala við bensínsölu í Hafnarfirði. Var þar búið að valda skemmdum en þó hafði ekki tekist að komast í seðlageymsluna.

Þá segir að lögregla hafi stöðvað nokkra bíla þar sem ökumenn voru ýmist grunaður um nytjastuld, akstur undir vegar í hverfi 109 í Reykjavík, akstur undir áhrifum fíkniefna eða akstur sviptur ökuréttindum.