Assassin's Creed fer loks til Japans

Leikurinn ber starfstitilinn Red en Ubisoft birti um helgina stutta stiklu fyrir leikinn.

Sú stikla sýnir þó ekki mikið annað en að leikurinn á að gerast í Japan og aðalpersóna hans verður að öllum líkindum ninja.

Ubisoft sýndi einnig fyrstu stiklu Assassin's Creed Mirage. Sá leikur gerist í Írak og fjallar um yngri ár Basim, sem spilarar leikjanna kannast ef til vill við úr Assassin's Creed Valhalla.

Einnig sýndu forsvarsmenn fyrirtækisins nýtt myndband úr sjóræningjaleiknum Skull and Bones. Sá leikur hefur verið lengi í framleiðslu og hefur hún vægast sagt ekki gengið vandræðalaust fyrir sig.