Tilþrifin: Dabbehhh minnir á sig gegn SAGA

Þór og SAGA áttust við í gærkvöldi og fyrstu tilþrifin sem við birtum eru úr þeirri viðureign. Viðureignin var æsispennandi og þurfti framlengingu til að skera úr um sigurvegara þar sem Þórsarar höfðu að lokum betur, 19-15.

Þórsarar höfnuðu í öðru sæti deildarinnar á seinasta tímabili og þeim er spáð því sæti aftur í ár. SAGA hafnaði hins vegar í sjötta sæti í átta liða deild á seinasta ári, en liðinu er spáð fimmta sæti í tíu liða deild í ár og því ljóst að liðið er á uppleið ef spáin gengur eftir.

Það er þó meðlimur Þórs, Dabbehhh, sem á tilþrif kvöldsins. Í stöðunni 6-6 stekkur Dabbehhh fyrir horn og tekur út tvo andstæðinga á örskotstundu, þá WZRD og skooN, en tilþrifin má sjá í spilaranum hér fyrir neðan.