Stórlaxar síðustu dagana í Stóru Laxá

Það var þegar búið að veiða ansi marga stórlaxa í ánni þega síðustu hollin hófu veiðar en bæði hollin á neðra svæðinu sem og á efra svæðinu eru skipuð vönum veiðimönnum og veiðikonum. Við vitum um alla vega tvo risa hænga af neðra svæðinu. Einn úr Bergsnös og annan úr Iðu. Frá miðjum september hafa í það minnsta 13 stórlaxar veiðst í ánni og nokkir sloppið. Á efra svæðinu var í það minnsta einni tröllvaxinni hrygnu landað úr Bláhyl sem er neðsti veiðistaðurinn á því svæði og eins og myndin ber með sér er þetta líklega hrygna um 90 sm að lengd, gæti verið stærri en við eigum eftir að fá það staðfest.