Sandra Björg og Arnar Gauti gerðu góðverk í Kringlunni

Á Kúmen í Kringlunni er mikið úrval veitingastaða þar sem allir ættu að finna eitthvað við sitt hæfi. Með 17 veitingastaði á hæðinni var erfitt að velja á milli staða. Nýir veitingastaðir koma sterkir til leiks eins og Pastagerðin, Yuzu og Flatey pizza og sömuleiðis hafa rótgrónir staðir flutt sig um set frá Stjörnutorginu sáluga. 

Arnar Gauti er maður hefða og valdi sér tvíréttað á hinum goðsagnakennda veitingastað Rikka Chan. Sandra Björg valdi sér matarmikið og vel útilátið salat frá Serrano Galiente. Hún talaði einnig um þægindin að hafa Ísey Skyrbar á hæðinni svo nálægt World Class og því fljótlegt að grípa með sér eftir góða æfingu. En talandi um hefðir þá enduðu þau spjallið sitt á að fara að fallega jólatré Kringlunnar, pökkuðu inn jólagjöf og gáfu í pakkasöfnun til styrktar fjölskyldum á Íslandi sem eiga um sárt að binda. Fallegt góðverk sem allir ættu að tileinka sér sem hefð fyrir jólin.