Rekinn klukkutímum eftir að hafa unnið leikinn sem hann „mátti ekki“ vinna

Lovie Smith vann nefnilega leikinn sem hann mátti helst ekki vinna.

Sigurinn í gær þýðir að Houston Texans fær ekki fyrsta valrétt í nýliðavalinu í vor en hann fór yfir til Chicago Bears liðsins eftir þessi úrslit.

Liðið með lakasta árangurinn á leiktíðinni fær að velja fyrst í nýliðavalinu.

Chicago tapaði sínum leik og datt niður í þetta „eftirsótta“ neðsta sæti.

Texans endaði tímabilið ágætlega og hafði bitið frá sér í fjórum af síðustu fimm leikjum.

Texans vann samt aðeins þrjá leiki á leiktíðinni og annað árið í röð þarf þjálfari liðsins að taka pokann sinn eftir tímabilið. David Culley var rekinn í janúar í fyrra en Lovie Smitt hafði verið varnarþjálfari og aðstoðarþjálfari hans.

Eins og sjá má hér fyrir ofan og neðan þá voru margir mjög ósáttir með framgöngu Houston Texans.