Tilþrifin: Furious og Pjakkur klára botnliðið

Breiðablik mætti botnliði Fylkis þegar lokaumferð Ljósleiðaradeildarinnar hófst í gær þar sem bæði lið þurftu á sigri að halda. Fylkismenn gátu spyrnt sér af botninum með sigri, en Blikar voru enn í harðri baráttu við þrjú 0nnur lið um fimmta sæti deildarinnar.

Furious og pjakkur sýndu frábær tilþrif snemma leiks þegar þeir voru tveir eftir gegn öllum fimm meðlimum Fylkis. Þeir náðu að taka þá alla niður áður en pjakkur aftengdi sprengjuna og kom Blikum í 3-0, en liðið vann að lokum öruggan sigur, 16-9.