Guðmundur Ágúst annar á Indlandi

Ingvi Þór Sæmundsson skrifar 24. febrúar 2023 08:17

Guðmundur Ágúst Kristjánsson er í góðri stöðu til að ná sínum besta árangri á Evrópumótaröðinni. getty/Stuart Franklin

Guðmundur Ágúst Kristjánsson hélt uppteknum hætti á öðrum hring Hero Indian Open mótsins á Indlandi. Hann er í 2. sæti á mótinu sem er hluti af Evrópumótaröðinni.

Guðmundur hefur nýlokið öðrum hringnum. Hann lék hann á 71 höggi, eða einu höggi undir pari.

Hann er samtals á fimm höggum undir pari og er í 2. sæti, fimm höggum á eftir efsta manni, Yannik Paul frá Þýskalandi. Ekki hafa þó allir keppendur lokið öðrum hring mótsins.

Guðmundur Ágúst Kristjánsson, GKG, er í toppbaráttunni á @DPWorldTour mótinu á Indlandi. Hann er á -5 samtals eftir 36 holur og er í 2. sæti þegar þetta er skrifað. https://t.co/KZbkELOfzH pic.twitter.com/3steAVxduG
— Golfsamband Íslands (@gsigolf) February 24, 2023

Guðmundur fékk þrjá fugla á öðrum hringnum, tvo skolla og þrettán pör. Í gær fékk hann sex fugla, tíu pör og tvo skolla. Hann var fjórði eftir fyrsta hringinn.

Mótið á Indlandi er það áttunda sem Guðmundur keppir á þessu tímabili. Besti árangur hans er 49. sæti sem hann náði á Singapore Classic fyrr í þessum mánuði.

Golf