Byrjunarlið Íslands: Guðlaugur í bakverði og Arnór djúpur

Ísland er án miðvarðarins Sverris Inga Ingasonar og miðju-/varnarmannsins Arons Einars Gunnarssonar. Vegna þess var því velt upp hvort Guðlaugur Victor myndi leysa miðvörðinn eða vera djúpur á miðjunni.

Hann spilar hins vegar hvoruga stöðuna þar sem hann byrjar í hægri bakverði í kvöld og þá er Arnór Ingvi Traustason djúpur á miðjunni, en hann hefur leikið sem kantmaður stærstan hluta síns ferils.

Rúnar Alex Rúnarsson er í markinu, Daníel Leó Grétarsson og Hörður Björgvin Magnússon manna miðvarðarstöðurnar og Davíð Kristján Ólafsson er í vinstri bakverðinum.

Hákon Arnar Haraldsson og Jóhann Berg Guðmundsson mynda léttleikandi miðju ásamt Arnóri Ingva og þá eru þeir Arnór Sigurðsson, Jón Dagur Þorsteinsson og Alfreð Finnbogason í fremstu línu.

Markvörður:

1. Rúnar Alex Rúnarsson

Vörn:

3. Davíð Kristján Ólafsson

4. Guðlaugur Victor Pálsson

14. Daníel Leó Grétarsson

23. Hörður Björgvin Magnússon

Miðja:

7. Jóhann Berg Guðmundsson

8. Hákon Arnar Haraldsson

21. Arnór Ingvi Traustason

Sókn:

9. Jón Dagur Þorsteinsson

10. Arnór Sigurðsson

11. Alfreð Finnbogason