Einkunnir eftir tapið í Bosníu: Margir með algjöra falleinkunn Íþróttadeild Vísis skrifar 23. mars 2023 22:00 Arnór Ingvi Traustason var í nýju og afar erfiðu hlutverki sem aftasti miðjumaður Íslands. Hér beitir hann öllum brögðum til að stöðva för Amir Hadziahmetovic. EPA-EFE/FEHIM DEMIR Íslenska karlalandsliðið í fótbolta fór mikla sneypuför til Bosníu og einkunnir leikmanna endurspegla það. Niðurstaðan varð 3-0 tap og munurinn hefði getað orðið meiri. Mikið mæddi á vörn og markverði íslenska liðsins framan af leik og Bosníumenn fengu fullt af færum. Þeir skoruðu tvö mörk í fyrri hálfleiknum og innsigluðu sigurinn með þriðja markinu eftir um klukkutíma leik. Eini leikmaður íslenska liðsins sem getur verið bærilega sáttur við sína frammistöðu er sennilega markvörðurinn Rúnar Alex Rúnarsson en fyrir framan hann virtist enginn njóta sín í leikkerfinu sem Arnar Þór Viðarsson landsliðsþjálfari treysti á. Ljóst er að gott tækifæri gefst til að gera betur á sunnudaginn þegar Ísland mætir Liechtenstein en hér að neðan má sjá einkunnir leikmanna í Bosníu í kvöld. Rúnar Alex Rúnarsson, markvörður 6 Hafði mjög mikið að gera og bjargaði nokkrum sinnum afar vel, sérstaklega í upphafi leiks eða þar til að fyrsta markið kom sem hann gat lítið gert við. Langbestur í fyrri hálfleiknum og það segir sína sögu. Hafði mun minna að gera eftir að Bosnía dró sig aftar við þriðja markið. Guðlaugur Victor Pálsson, hægri bakvörður 5 Vandræðin varnarlega voru ekki á hlið Guðlaugs Victors en hann leit þó ekki sannfærandi út frekar en aðrir í öftustu línu íslenska liðsins. Hjálpaði lítið fram á við og spurning hvort að hann hefði ekki nýst mun betur sem aftasti miðjumaður. Daníel Leó Grétarsson, miðvörður 3 Barðist líklega best af varnarmönnunum en var ekkert betur áttaður og tengdi illa saman við mennina í kringum sig. Hörður Björgvin Magnússon, miðvörður 2 Allt of varfærinn og varla í baráttunni þegar Bosníumenn skoruðu fyrstu tvö mörkin sín. Bara eins og að hann væri ekki tengdur. Líður vel þegar mótherjinn dregur sig aftar en þá var leik líka tæknilega séð lokið. Davíð Kristján Ólafsson, vinstri bakvörður 2 Virtist engan veginn ráða við að spila á þessu stigi. Hefði þurft að mæta Dedic af miklu meiri ákveðni í aðdraganda tveggja fyrstu markanna og var ekki nálægt honum í þriðja markinu. Tengdi lítið sem ekkert saman við Jón Dag á kantinum. Arnór Ingvi Traustason, miðjumaður 3 Margir hafa eflaust verið furðu lostnir að sjá Arnór Ingva sem aftasta miðjumann og skilja sjálfsagt enn minna í því eftir leikinn. Verður aldrei sakaður um að leggja sig ekki allan fram, hlaupa og berjast, en gerði lítið til að verja vörnina og bjó ekki til tenginguna sem þurfti milli varnar og miðju. Tekinn út af á 82. mínútu. Jóhann Berg Guðmundsson, miðjumaður 4 Fór að sækja boltann neðar þegar leið á og var einna skástur í að reyna að búa eitthvað til fram á við, þó að það væri lítið. Komst í fínt skallafæri eftir hálftíma leik en hitti ekki á markið, og átti flott skot í lok leiks sem var varið. Lítið áberandi í varnarvinnunni í nýju og mikilvægu hlutverki sem miðjumaður líkt og hjá Burnley í vetur. Hákon Arnar Haraldsson, miðjumaður 3 Snemma í bókina eftir að hafa misst boltann klaufalega frá sér. Fékk óvænt dauðafæri snemma í seinni hálfleik, að gjöf frá markverði Bosníu, en datt. Náði ágætum skalla seint í leiknum sem var varinn en skilaði alls ekki nógu góðri varnarvinnu og hefði þurft að skila mun meira fram á við einnig. Arnór Sigurðsson, hægri kantmaður 4 Ógnandi á besta kafla Íslands í fyrri hálfleiknum, sem var stuttur, og nálægt því að leggja þá upp dauðafæri fyrir Alfreð, en annars lítið í boltanum. Tekinn út af á 67. mínútu. Jón Dagur Þorsteinsson, vinstri kantmaður: 3 Frekar einangraður úti á kanti en átti frábæra fyrirgjöf á Jóhann eftir hálftíma leik. Bakkaði undan Dedic í þriðja markinu og náði ekkert að trufla hann. Tekinn út af í kjölfarið, á 67. mínútu. Alfreð Finnbogason, framherji 4 Nálægt því að komast í dauðafæri á 35. mínútu en fékk annars úr afar litlu að moða. Kom aftar til að taka einhvern þátt í spilinu. Fékk gott skallafæri þegar korter lifði leiks en virtist ekki tilbúinn. Tekinn út af á 82. mínútu. Varamenn: Mikael Egill Ellertsson kom inn á fyrir Jón Dag á 67. mínútu 5 Náði lítið að gera á þeim tíma sem hann fékk en þarf ekki að skammast sín fyrir sína frammistöðu. Mikael Anderson kom inn á fyrir Arnór Sigurðsson á 67. mínútu 5 Gerði frábærlega þegar hann kom hættulegri fyrirgjöf á Alfreð í teignum og getur ágætlega unað við sitt. Stefán Teitur Þórðarson kom inn á fyrir Arnór Ingva á 82. mínútu Spilaði of lítið til að fá einkunn. Andri Lucas Guðjohnsen kom inn á fyrir Alfreð á 82. mínútu Spilaði of lítið til að fá einkunn. Landslið karla í fótbolta EM 2024 í Þýskalandi Tengdar fréttir Umfjöllun: Bosnía - Ísland 3-0 | Ný undankeppni sömu vandamálin Ísland byrjaði undankeppni EM 2024 á 3-0 tapi gegn Bosníu á Bilino Polje-vellinum. Varnarleikur Íslands var hreinasta hörmung sem skilaði Bosníu þremur mörkum. 23. mars 2023 21:45 Mest lesið Sjáðu gullstrákana í Vestra fagna: „Vorum bara miklu stærra lið“ Íslenski boltinn Fyrsta félagið með tvö fórnarlömb skotárása í liðinu Sport Græddu meira en milljarð á kokteilum á US Open Sport Van Dijk um Rio: Draumabyrjun en hann verður að vera auðmjúkur Enski boltinn Rio setti nýtt Liverpool met Enski boltinn Óskar Hrafn: Stundum hata ég fótbolta Íslenski boltinn Sextán ára strákur tryggði Liverpool öll stigin Enski boltinn „Horft illum augum á þannig taktík í hlaupaheiminum“ Sport Jökull: Förum ekki hærra með svona frammistöðu Íslenski boltinn Slot hefur enga samúð með Eddie Howe vegna Isaks Enski boltinn Fleiri fréttir Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Óskar Hrafn: Stundum hata ég fótbolta Jökull: Förum ekki hærra með svona frammistöðu Inter byrjar tímabilið á stórsigri Örvar: Tökum þessa þrjá punkta og förum brosandi heim Sextán ára strákur tryggði Liverpool öll stigin Uppgjör: KR-Stjarnan 1-2 | Örvar kom Stjörnunni inn í titilbaráttuna Ísak Andri lagði upp mark í langþráðum sigri Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks Markvörður ÍBV kominn með fimm gul spjöld í sumar Heljarmennið sem fagnaði eins og Schwarzenegger Sjáðu dramatíkina í Krikanum og mörkin fyrir norðan „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Fer í aðgerð á föstudag og frá í sex til átta mánuði Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Töpuðu 15-0 í síðasta leik og mættu ekki til leiks í gær Fernandes ósáttur: „Dómarinn baðst ekki afsökunar“ Sjáðu Grealish fara á kostum og öll mörkin í gær Fáni stuðningsmanna Palace til rannsóknar Mbappé afgreiddi Real Oviedo Albert lagði upp mark Fiorentina Sjá meira
Mikið mæddi á vörn og markverði íslenska liðsins framan af leik og Bosníumenn fengu fullt af færum. Þeir skoruðu tvö mörk í fyrri hálfleiknum og innsigluðu sigurinn með þriðja markinu eftir um klukkutíma leik. Eini leikmaður íslenska liðsins sem getur verið bærilega sáttur við sína frammistöðu er sennilega markvörðurinn Rúnar Alex Rúnarsson en fyrir framan hann virtist enginn njóta sín í leikkerfinu sem Arnar Þór Viðarsson landsliðsþjálfari treysti á. Ljóst er að gott tækifæri gefst til að gera betur á sunnudaginn þegar Ísland mætir Liechtenstein en hér að neðan má sjá einkunnir leikmanna í Bosníu í kvöld. Rúnar Alex Rúnarsson, markvörður 6 Hafði mjög mikið að gera og bjargaði nokkrum sinnum afar vel, sérstaklega í upphafi leiks eða þar til að fyrsta markið kom sem hann gat lítið gert við. Langbestur í fyrri hálfleiknum og það segir sína sögu. Hafði mun minna að gera eftir að Bosnía dró sig aftar við þriðja markið. Guðlaugur Victor Pálsson, hægri bakvörður 5 Vandræðin varnarlega voru ekki á hlið Guðlaugs Victors en hann leit þó ekki sannfærandi út frekar en aðrir í öftustu línu íslenska liðsins. Hjálpaði lítið fram á við og spurning hvort að hann hefði ekki nýst mun betur sem aftasti miðjumaður. Daníel Leó Grétarsson, miðvörður 3 Barðist líklega best af varnarmönnunum en var ekkert betur áttaður og tengdi illa saman við mennina í kringum sig. Hörður Björgvin Magnússon, miðvörður 2 Allt of varfærinn og varla í baráttunni þegar Bosníumenn skoruðu fyrstu tvö mörkin sín. Bara eins og að hann væri ekki tengdur. Líður vel þegar mótherjinn dregur sig aftar en þá var leik líka tæknilega séð lokið. Davíð Kristján Ólafsson, vinstri bakvörður 2 Virtist engan veginn ráða við að spila á þessu stigi. Hefði þurft að mæta Dedic af miklu meiri ákveðni í aðdraganda tveggja fyrstu markanna og var ekki nálægt honum í þriðja markinu. Tengdi lítið sem ekkert saman við Jón Dag á kantinum. Arnór Ingvi Traustason, miðjumaður 3 Margir hafa eflaust verið furðu lostnir að sjá Arnór Ingva sem aftasta miðjumann og skilja sjálfsagt enn minna í því eftir leikinn. Verður aldrei sakaður um að leggja sig ekki allan fram, hlaupa og berjast, en gerði lítið til að verja vörnina og bjó ekki til tenginguna sem þurfti milli varnar og miðju. Tekinn út af á 82. mínútu. Jóhann Berg Guðmundsson, miðjumaður 4 Fór að sækja boltann neðar þegar leið á og var einna skástur í að reyna að búa eitthvað til fram á við, þó að það væri lítið. Komst í fínt skallafæri eftir hálftíma leik en hitti ekki á markið, og átti flott skot í lok leiks sem var varið. Lítið áberandi í varnarvinnunni í nýju og mikilvægu hlutverki sem miðjumaður líkt og hjá Burnley í vetur. Hákon Arnar Haraldsson, miðjumaður 3 Snemma í bókina eftir að hafa misst boltann klaufalega frá sér. Fékk óvænt dauðafæri snemma í seinni hálfleik, að gjöf frá markverði Bosníu, en datt. Náði ágætum skalla seint í leiknum sem var varinn en skilaði alls ekki nógu góðri varnarvinnu og hefði þurft að skila mun meira fram á við einnig. Arnór Sigurðsson, hægri kantmaður 4 Ógnandi á besta kafla Íslands í fyrri hálfleiknum, sem var stuttur, og nálægt því að leggja þá upp dauðafæri fyrir Alfreð, en annars lítið í boltanum. Tekinn út af á 67. mínútu. Jón Dagur Þorsteinsson, vinstri kantmaður: 3 Frekar einangraður úti á kanti en átti frábæra fyrirgjöf á Jóhann eftir hálftíma leik. Bakkaði undan Dedic í þriðja markinu og náði ekkert að trufla hann. Tekinn út af í kjölfarið, á 67. mínútu. Alfreð Finnbogason, framherji 4 Nálægt því að komast í dauðafæri á 35. mínútu en fékk annars úr afar litlu að moða. Kom aftar til að taka einhvern þátt í spilinu. Fékk gott skallafæri þegar korter lifði leiks en virtist ekki tilbúinn. Tekinn út af á 82. mínútu. Varamenn: Mikael Egill Ellertsson kom inn á fyrir Jón Dag á 67. mínútu 5 Náði lítið að gera á þeim tíma sem hann fékk en þarf ekki að skammast sín fyrir sína frammistöðu. Mikael Anderson kom inn á fyrir Arnór Sigurðsson á 67. mínútu 5 Gerði frábærlega þegar hann kom hættulegri fyrirgjöf á Alfreð í teignum og getur ágætlega unað við sitt. Stefán Teitur Þórðarson kom inn á fyrir Arnór Ingva á 82. mínútu Spilaði of lítið til að fá einkunn. Andri Lucas Guðjohnsen kom inn á fyrir Alfreð á 82. mínútu Spilaði of lítið til að fá einkunn.
Landslið karla í fótbolta EM 2024 í Þýskalandi Tengdar fréttir Umfjöllun: Bosnía - Ísland 3-0 | Ný undankeppni sömu vandamálin Ísland byrjaði undankeppni EM 2024 á 3-0 tapi gegn Bosníu á Bilino Polje-vellinum. Varnarleikur Íslands var hreinasta hörmung sem skilaði Bosníu þremur mörkum. 23. mars 2023 21:45 Mest lesið Sjáðu gullstrákana í Vestra fagna: „Vorum bara miklu stærra lið“ Íslenski boltinn Fyrsta félagið með tvö fórnarlömb skotárása í liðinu Sport Græddu meira en milljarð á kokteilum á US Open Sport Van Dijk um Rio: Draumabyrjun en hann verður að vera auðmjúkur Enski boltinn Rio setti nýtt Liverpool met Enski boltinn Óskar Hrafn: Stundum hata ég fótbolta Íslenski boltinn Sextán ára strákur tryggði Liverpool öll stigin Enski boltinn „Horft illum augum á þannig taktík í hlaupaheiminum“ Sport Jökull: Förum ekki hærra með svona frammistöðu Íslenski boltinn Slot hefur enga samúð með Eddie Howe vegna Isaks Enski boltinn Fleiri fréttir Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Óskar Hrafn: Stundum hata ég fótbolta Jökull: Förum ekki hærra með svona frammistöðu Inter byrjar tímabilið á stórsigri Örvar: Tökum þessa þrjá punkta og förum brosandi heim Sextán ára strákur tryggði Liverpool öll stigin Uppgjör: KR-Stjarnan 1-2 | Örvar kom Stjörnunni inn í titilbaráttuna Ísak Andri lagði upp mark í langþráðum sigri Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks Markvörður ÍBV kominn með fimm gul spjöld í sumar Heljarmennið sem fagnaði eins og Schwarzenegger Sjáðu dramatíkina í Krikanum og mörkin fyrir norðan „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Fer í aðgerð á föstudag og frá í sex til átta mánuði Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Töpuðu 15-0 í síðasta leik og mættu ekki til leiks í gær Fernandes ósáttur: „Dómarinn baðst ekki afsökunar“ Sjáðu Grealish fara á kostum og öll mörkin í gær Fáni stuðningsmanna Palace til rannsóknar Mbappé afgreiddi Real Oviedo Albert lagði upp mark Fiorentina Sjá meira
Umfjöllun: Bosnía - Ísland 3-0 | Ný undankeppni sömu vandamálin Ísland byrjaði undankeppni EM 2024 á 3-0 tapi gegn Bosníu á Bilino Polje-vellinum. Varnarleikur Íslands var hreinasta hörmung sem skilaði Bosníu þremur mörkum. 23. mars 2023 21:45