Tekur aftur við em­bætti lög­reglu­stjóra í Eyjum

Þetta kemur fram í tilkynningu á vef stjórnarráðsins. Fimm sóttu um stöðuna. 

Þar kemur fram að Karl Gauti hafi lokið embættisprófi í lögfræði frá Háskóla Íslands árið 1989 og hlotið réttindi héraðsdómslögmanns árið 1996. 

„Hann starfaði sem dómarafulltrúi hjá bæjarfógetum á árunum 1989 til 1992 og fulltrúi og síðar staðgengill hjá embætti sýslumannsins á Selfossi frá 1992 til 1998. Hann var sýslumaður og lögreglustjóri í Vestmannaeyjum frá 1998 til 2014 og skólastjóri Lögregluskóla ríkisins frá 2014 til 2016.

Karl Gauti hefur átt sæti í almannavarnanefnd Vestmannaeyja og stjórn fræðslu- og starfsmenntunarsjóðs lögreglu. Þá var Karl Gauti settur sýslumaður á Hólmavík hluta úr sumri árið 1996 og settur lögreglustjóri í Reykjavík, rannsóknarlögreglustjóri og sýslumaður í Vestmannaeyjum til að rannsaka einstök sakamál. Auk þess hefur Karl Gauti setið í tveimur starfshópum á vegum innanríkisráðuneytisins í málefnum sem tengjast lögreglu. Karl Gauti var kjörinn á þing árið 2017 og sat sem þingmaður til ársins 2021,“ segir í tilkynningunni.

Grímur Hergeirsson, lögreglustjóri á Suðurlandi, hefur verið lögreglustjóri umdæmisins í Vestmannaeyjum síðustu misserin, samhliða starfi sínu á sem lögreglustjóri á Suðurlandi.