Meintur fíkni­efna­sali reyndist hár­greiðslu­maður

Samkvæmt dagbókarfærslu lögreglunnar á höfuðborgarsvæðinu fyrir gærkvöldið og nóttina fór skemmtanahald að mestu leyti friðsamlega fram á höfuðborgarsvæðinu í nótt.

Verkefni lögreglunnar voru að mestu leyti tengd umferð og akstri undir áhrifum áfengis og fíkniefna.

Tilkynnt var um unga drengi að fara inn í grunnskóla í umdæmi lögreglustöðvarinnar á Hverfisgötu. Drengirnir voru farnir á brott þegar lögregla kom á vettvang en þeir höfðu þegar valdið eignaspjöllum.

Þá var tilkynnt um mann reyna að komast inn í bíla í einu af bílastæðahúsum borgarinnar. Óvíst er hvort honum hafi orðið kápan úr því klæðinu.