Næturgisting í kirkju í boði á Blöndu­ósi

„Fram­kvæmdir hófust á þessu ári og því hefur þetta þetta ekki átt sér langan að­draganda. En það er alveg magnað að fylgjast með vinnu iðnaðar­mannanna sem hafa ekki haft langan tíma til að klára verkið,“ segir Pétur Odd­bergur Heimis­son hótel­stjóri í sam­tali við Vísi.

„Svo hafa eig­endur og fjöl­skyldur þeirra tekið mjög virkan þátt í undir­búningi opnunar hótelsins og hefur það tekið á sig gríðar­lega fal­lega mynd, jafnt að innan sem utan.“

Frá­bær til­finning að opna loksins

Pétur segir frá­bæra til­finningu að fá loksins að opna dyrnar fyrri gestum. Opnunar­teiti fer fram í dag klukkan 14 til 17.

„Þar gefst gestum tæki­færi á að skoða hótelið eins og það lítur út í dag. Svo verður hótelið opnað form­lega á mánu­daginn,“ segir Pétur sem segir heima­menn bjart­sýna fyrir sumarið og bjart­sýna á að aukning verði mikil á milli ára.

„Sér­stak­lega í ljósi þess að eftir sumarið verður komin reynsla á upp­lifun gesta og við verðum búin að safna að okkur endur­gjöfum á helstu bókunar­síðum. En það tekur tíma að byggja þetta upp þar sem við erum að byggja reksturinn svo gott sem frá grunni, það er engin reynsla á þjónustu, gæði matar og fleira.

Þó það megi til gamans geta að við erum að opna hótel í byggingu þar sem hefur verið hótel­rekstur síðan árið 1943.“

Borð­leggjandi að festa kaup á kirkjunni

Pétur segir að þegar upp hafi komið sú staða að hægt væri að kaupa gömlu kirkjuna á Blöndu­ósi þá hafi rekstr­aðilum hótelsins þótt það borð­leggjandi að kaupa hana og nýta sem gisti­rými.

„Þetta verður einn á­huga­verðasti gisti­mögu­leikinn á landinu þar sem við munum lítið hreyfa við út­liti kirkjunnar enda er hún gull­fal­leg og ein­stak­lega sjarmerandi. Við horfðum meðal annars til norður­landa, Frakk­lands og Hollands þar sem kirkjur hafa verið nýttar ein­mitt sem far­fugla­heimili, hótel, í­búðir, barir og fleira.“

Þá segir Pétur að einnig verði hægt að halda þar at­hafnir eins og brúð­kaup þar sem brúð­hjónin hafi svo kost á því að gista í kirkjunni um nóttina.

„Er hægt að hugsa sér eitt­hvað rómantískara? Við verðum til­búin með við­burða­rými í gamla bakarínu í Gamla bænum á Blöndu­ósi sem við köllum Krúttið, þar verður hægt að halda veislur en að auki ætlum við að halda tón­leika og aðra við­burði.“