Biskup endur­ráðinn af undir­manni sínum án vitundar kirkju­þings

Morgunblaðið greindi frá þessu í morgun og segist hafa undir höndunum ráðning­ar­samn­ing þess efnis sem er und­ir­ritaður af Ragn­hildi Ásgeirs­dótt­ur, framkvæmdastjóra Biskupsstofu, og Agnesi M. Sig­urðardótt­ur bisk­up.

Forseti kirkjuþings, Drífa Hjartardóttir, sagði í samtali við Morgunblaðið að það væri undarlegt að undirmaður geti gert ráðningarsamning við yfirmann sinn eins og í þessu tilviki. Þá hafi hvorki kirkjuþing né forsætisnefnd þess vitað af samningnum.

„Ég frétti af til­vist þessa samn­ings í síðustu viku, ég hafði ekki hug­mynd um hann áður. Mér finnst það mjög und­ar­legt að und­irmaður geti gert ráðning­ar­samn­ing við yf­ir­mann sinn. Við vor­um aldrei lát­in vita af þessu, hvorki for­sæt­is­nefnd kirkjuþings né kirkjuþingið sjálft. Þetta kom mér mjög á óvart og er mjög sér­stakt,“ sagði Drífa Hjart­ar­dótt­ir í viðtali við Morg­un­blaðið.

Reglum um skipunartíma biskups breytt

Agnes Sigurðardóttir var skipuð biskup af forseta Íslands, Ólafi Ragnari Grímssyni, frá og með 1. júlí 2012 til fimm ára og var skip­un­ar­tím­inn síðan fram­lengd­ur um önn­ur fimm ár 1. júlí 2017. 

Auður Björg Jónsdóttir, lögmaður Gunnars Sigurjónssonar, fyrrverandi sóknarprests í Digraneskirkju sem var látinn fara úr prestakallinu í kjölfar ásakana um einelti og kynferðislega, hefur vakið athygli á skipunartíma Agnesar biskups og hæfi hennar til að taka ákvarðanir.

Kirkjuþing breytti reglum um kosningu biskups í fyrra þannig að kjörtímabil hans er nú sex ár. Í erindi sem Auður sendi á forseta kirkjuþings fyrr á árinu sagði hún að það þýddi ekki að skipunartími biskups framlengdist sjálfkrafa og Agnes hefði því ekki getað tekið ákvörðun um að reka Gunnar.

Með réttu hefði skip­un­ar­tími bisk­ups átt að renna út 1. júlí 2022 en nú er ljóst að skipunartími hennar rennur ekki út fyrr en 31. október 2024.