Reyndi að enda líf sitt eftir að hafa misst samninginn við Browns

Netflix hefur nú gert heimildarmynd um feril Manziel og þar kemur meðal annars fram að hann reyndi að fremja sjálfsmorð er hann varð atvinnulaus.

Hann missti samning sinn við Cleveland Browns í mars árið 2016. Þá ákvað Manziel að hann vildi ekki lifa lengur. Hann keypti sér byssu, fór á fyllerí sem kostaði 660 milljónir króna og reyndi svo að svipta sig lífi.

„Þetta var skipulagt. Ég ákvað að eyða eins miklum peningum og ég gæti áður en ég fremdi sjálfsmorð. Ég reyndi að vera eins mikill skíthæll og ég gæti. Þar af leiðandi hefði ég ástæðu til þess að enda þetta allt saman,“ segir Manziel í myndinni.

Það varð honum til happs að byssan virkaði ekki.

„Enn í dag veit ég ekki hvað gerðist. Skotið fór bara ekki úr byssunni.“

Manziel er þrítugur í dag og spilar enn amerískan fótbolta en núna með FCF Zapppers sem spilar í innanhússdeild.

Fólk með sjálfsvígshugsanir er minnt á Píeta samtökin. Síminn hjá Pieta-samtökunum er jafnframt opinn allan sólarhringinn og er 552-2218 og vefsíðan pieta.is.