Andri heldur forystunni en Guðmundur og Hlynur narta í hælana

Andri var fyrstur eftir fyrsta hring í gær og hann hélt uppteknum hætti þegar hann lék á 66 höggum, eða fimm höggum undir pari vallarins. Hann er því samtals á níu höggum undir pari eftir hringina tvo með eins höggs forystu.

Guðmundur Ágúst Kristjánsson kemur næstur á átta höggum undir pari og Hlynur Geir Hjartarson situr í þriðja sæti á sjö höggum undir pari. Guðmundur og Hlynur áttu besta dag allra í dag og léku báður á sex höggum undir pari.

Enn eiga þó nokkrir kylfingar eftir að ljúka leik og er mesta spennan í kringum niðurskurðarlínuna. Búist er við því að leika þurfi hringina tvo á samtals 13 höggum yfir pari eða betra til að komast í gegnum niðurskurðinn og eins og staðan er núna eru tíu kylfingar á hættusvæðinu og tveir þeirra eru enn úti á velli.

Þá trónir Ragnhildur Kristinsdóttir ein á toppnum kvennamegin eins og fram kom hér á Vísi fyrr í dag, en stöðuna í rauntíma má sjá á heimasíðu golfsambands Íslands með því að smella hér.