Bingó í beinni á sunnudag: „Kakó á krakkana og rautt á foreldrana“

Bingóið verður í beinni útsendingu á Vísi og Stöð 2 Vísi og hefst útsending klukkan 19:00. Nálgast má Stöð 2 Vísi á rás 5 hjá Vodafone og rás 8 hjá Símanum.

Auddi segir alltaf mikla stemmingu á meðan útsendingu stendur. „Fólk hefur ekkert betra að gera á sunnudagshaustkvöldi en að henda sér inn í stofu og spila bingó. Kakó á krakkana, smá rautt á foreldrana, fyrir þá sem eru í þeim pakka, og njóta,“ segir Auddi.

Það er til mikils að vinna því á meðal vinninga er:

• 100.000 kr gjafabréf í s4s
• 70.000 kr ferðagrill frá Grillkofinn
• Samsung Galaxy A8 spjaldtölva og Samsung Galaxy Buds 2 frá Samsung
• Playstation 5
• Rúm frá Dorma
• Árskort í Lúxussalinn frá Sambíó
• Gjafabréf frá Hótel Rangá í Mörgæsasvítunni (Antartíka svítan) - 3 rétta kvöldverður og kampavínsmorgunverður fyrir 2

Svona virkar þetta

Áskrifendur Blökastsins fá aðgang að hlekk með bingóinu og getur hver fjölskyldumeðlimur sótt sér þrjú spjöld. Þeir sem vilja taka þátt fara á hlekkinn, skrifa fullt nafn og slá inn símanúmer. Síðan skrá þeir sig inn með tölunum sem sendar eru með smáskilaboðum í það símanúmer. Þá eru spjöldin orðin virk.

Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur. Hægt er að sækja spjöld með öllum símanúmerum.

Hægt er að gerast áskrifandi á vef Tals hér á Vísi.