Vill að fólk hætti að skrifa minningar­greinar um lið sitt í kjöl­far á­fallsins mikla

Í gær var það stað­fest að hinn 39 ára gamli Aaron Rod­gers, sem meiddist í sínum fyrsta leik fyrir lið New York Jets, hefði slitið hásin og yrði frá út tíma­bilið. Í kjöl­farið hefur trú veð­banka á góðu gengi Jets á yfir­standandi tíma­bili fjarað út en Robert Saleh, þjálfari Jets, segir of snemmt að af­skrifa liðið.

„Ég veit ekki af hverju fólk hefur verið að rita minningar­greinar um okkur,“ sagði Saleh við blaða­menn ytra í gegnum Zoom sam­skipta­for­ritið.

Í Rod­gers hafa þeir misst sinn reynslu­mesta leik­mann sem hefur í fjór­gang verið valinn verð­mætasti leik­maður NFL-deildarinnar og einu sinni orðið Super Bowl meistari.

Fjar­vera hans út tíma­bilið, og mögu­leg enda­lok á ferli hans, hafa hrundið af stað orð­rómum um það hvaða hring­ekja fari nú í gang hjá Jets en Saleh reyndi sitt allra besta að kveða þá niður.

Zach Wil­son er nú fyrsta val Jets í leik­stjórnandastöðuna en búist er við því að Jets sæki einnig reynslu­meiri leik­stjórnanda.

„Ég vil að það sé alveg ljóst að Zach er okkar leik­stjórnandi og við höfum mikla trú á honum,“ sagði Saleh um leik­stjórnandastöðu Jets. „Þetta er liðið hans Zach og við höldum tryggð við hann.“

Zach Wil­son átti erfitt upp­dráttar á síðasta tíma­bili og mun á sunnu­daginn kemur byrja sinn 23 leik á NFL-ferlinum.

Rodgers þurfi að svara fyrir spurningar um framtíð sína

Robert Saleh var einnig spurður út í fram­tíð Aaron Rod­gers en vildi lítið láta draga sig í ein­hverjar spekúla­sjónir.

„Eins og þið getið rétt í­myndað ykkur þá er hann niður­brotinn núna. Ég mun leyfa honum að svara þessum spurningum um fram­tíð hans. “

„Það er sam­tal sem mun þurfa að eiga sér stað á öðrum degi. Eftir allt það sem hann hefur lagt í þetta, þá er hann að sjálf­sögðu von­svikinn núna.“

Hann vill hins vegar hafa Rod­gers eins ná­lægt Jets liðinu og hann getur.